Вы здесь

Зараз у краіне адкрыта каля 7,7 мільёна картак сацыяльнага страхавання


Сярэдняя пенсія па ўзросце ў сакавіку склала 393,51 рубля. Сёлета, па звестках Мінпрацы і сацабароны, плануецца падняць сярэдні памер пенсій да 40 % ад сярэдняй зарплаты па краіне.

Аб тым, што ўплывае на памер нашых пенсій і чаму трэба задумвацца аб будучай старасці ўжо сёння, а таксама пра зялёную картку сацыяльнага страхавання, расказвае кіраўнік Фонду сацыяльнай абароны насельніцтва Міністэрства працы і сацыяльнай абароны Наталля Паўлючэнка.


Пенсіі пажылым «плаціць» маладое пакаленне

У нашай краіне дзейнічае салідарная сістэма дзяржаўнага сацыяльнага страхавання, у аснове якой ляжыць прынцып узаемадапамогі пакаленняў. Яе можна сфармуляваць так: пакуль мы працуем, са сродкаў, што адлічваюцца намі (а дакладней, нашымі работадаўцамі), плацяцца пенсіі цяперашнім пенсіянерам. Калі мы працаваць не зможам, нашы пенсіі будуць фарміравацца з адлічэнняў новага пакалення.

Аднак гэта не азначае, што ў будучыні памер нашых пенсій будзе залежаць толькі ад маладога пакалення работнікаў, адзначае Наталля Паўлючэнка. Паўплывае і наша працоўная актыўнасць. А менавіта такія два фактары, як працягласць працоўнай дзейнасці і памер заробку, з якога адлічваюцца ўнёскі ў бюджэт Фонду сацыяльнай абароны насельніцтва.

Што датычыцца першага фактару, то для прызначэння працоўнай пенсіі ў 2019 годзе патрабуецца мець 17 гадоў працоўнага стажу з выплатай страхавых узносаў (гэта так званы страхавы стаж) і агульны працоўны стаж: мужчынам — 25 гадоў, жанчынам — 20. Штогод патрабаванні да страхавога стажу павялічваюцца на паўгода і ў 2025-м для прызначэння працоўнай пенсіі трэба будзе мець 20 гадоў страхавога стажу.

Што датычыцца памеру пенсіі, то калі рабіць адлічэнні з мінімальнай заработнай платы, адпаведна, і працоўная пенсія будзе прызначаная мінімальная. Сёлета яна складае 216,71 рубля.

Калі ў чалавека па дасягненні пенсійнага ўзросту не сфарміраваны страхавы стаж, то яму давядзецца пачакаць узросту 65 гадоў (для мужчын) і 60 гадоў (жанчынам) — тады яму будзе прызначана сацыяльная пенсія. Па параметрах гэтага года яна складае 108,45 рубля. Таму трэба задумвацца аб будучай пенсіі і імкнуцца сфарміраваць свае пенсійныя правы сёння.

Менавіта з гэтай мэтай у канцы мінулага года быў прыняты ўказ № 500, які даў права ўдзельнічаць у дзяржаўным сацыяльным страхаванні самазанятым фізічным асобам, якія ажыццяўляюць непрадпрымальніцкую дзейнасць. Цяпер яны самі прымаюць рашэнне, будуць яны выплачваць узносы і ў выніку фарміраваць сабе страхавы стаж, а значыць, права на пенсію ў будучыні, ці не. Такую магчымасць атрымалі людзі, што працуюць на сябе: цырульнікі, рэпетытары, спецыялісты, якія аказваюць касметалагічныя паслугі, паслугі па агратурызме, тыя, хто выконвае малярныя, тынкавальныя работы і іншыя.

Па словах Наталлі Паўлючэнкі, за два месяцы дзеяння ўказа ўжо больш за сто чалавек сталі на ўлік у органы фонду і плануюць выплачваць узносы ў бюджэт ФСАН.

Правілы персаніфікаванага ўліку грамадзян мяняюцца

Каб мець магчымасць разлічыць індывідуальны каэфіцыент для пенсіі, з 2003 года ў нашай краіне ўведзена сістэма персаніфікаванага ўліку грамадзян. Пры гэтым на кожнага работніка адкрываецца індывідуальны асабовы рахунак, і яму выдаецца дзяржаўнае пасведчанне сацыяльнага страхавання. Гэта так званая зялёная картка, якая маецца ў кожнага з нас, хто меў ці мае цяпер работу.

У сістэме персаніфікаванага ўліку сёння адкрыта каля 7,7 мільёна індывідуальных асабовых рахункаў. Па 4,8 мільёна з іх звесткі штогод абнаўляюцца. Таксама штогод адкрываецца каля 120 тысяч новых індывідуальных асабовых рахункаў, з іх 81 тысяча (або каля 67 %) афармляецца на маладых людзей ва ўзросце 14—20 гадоў.

З 4,8 мільёна асабовых рахункаў 4,2 мільёна заведзены на асоб, якія працуюць па класічных працоўных дагаворах. На грамадзянска-прававых дагаворах — 200 тысяч застрахаваных асоб, астатнія 400 тысяч — тыя, хто самастойна выплачвае ўзносы (ІП, натарыусы, адвакаты і іншыя фізічныя асобы, а таксама работнікі са змешанай формай працоўнай дзейнасці).

Сёлета былі ўнесены змяненні ў правілы персаніфікаванага ўліку. Калі раней работадаўцы падавалі індывідуальныя звесткі пра работнікаў з адлюстраваннем зарплаты і выплаты ўзносаў адзін раз у год, то зараз будуць рабіць гэта штоквартальна. Гэта дазволіць звесці да мінімуму сітуацыі, калі наймальнік не дае звесткі ў сувязі са спыненнем дзейнасці арганізацыі.

Таксама будзе пашырана форма персаніфікаванага ўліку, якая характарызуе працоўную дзейнасць чалавека. У пералік звестак, акрамя даты прыёму на работу і звальнення, работы па сумяшчальніцтве цяпер уключана інфармацыя аб прафесіі, пасадзе работніка, відзе працоўнага дагавора, даце і нумары загада аб прыёме на работу, пераводзе на іншую пастаянную работу, прысваенні кваліфікацыйнай катэгорыі, звальненні і яго падставе. Усе гэтыя змяненні ўступяць у сілу з 1 ліпеня 2019 года і, паводле слоў спецыялістаў, дадуць магчымасць больш дэталёва праводзіць маніторынг працоўных рэсурсаў і прагназаваць патрэбнасць рынку ў кадрах. А ў будучыні яны стануць асновай для электроннага ўліку працоўнай дзейнасці.

Дакладна пра пенсійны ўзрост

У адпаведнасці з законам, агульнаўстаноўлены пенсійны ўзрост складзе:

у 2019-м: для мужчын — 61 год 6 месяцаў, для жанчын — 56 гадоў 6 месяцаў;

у 2020-м: для мужчын — 62 гады, для жанчын — 57 гадоў;

ў 2021-м: для мужчын — 62 гады 6 месяцаў, для жанчын — 57 гадоў 6 месяцаў;

у 2022-м і ў наступныя гады: для мужчын — 63 гады, для жанчын — 58 гадоў.

Узрост, які дае права на пенсію па ўзросце на агульных падставах, вызначаецца ў дачыненні да каляндарнага года (года звароту па пенсію), а не да даты нараджэння асобы.

Святлана БУСЬКО

Название в газете: «Зялёная картка» — гарант нашай пенсіі

Выбор редакции

Культура

Чем в этом году будет удивлять посетителей «Славянский базар в Витебске»?

Чем в этом году будет удивлять посетителей «Славянский базар в Витебске»?

Концерт для детей и молодежи, пластический спектакль Егора Дружинина и «Рок-панорама».

Общество

Время заботы садоводов: на какие сорта плодовых и ягодных культур стоит обратить внимание?

Время заботы садоводов: на какие сорта плодовых и ягодных культур стоит обратить внимание?

Выбор саженца для садовода — тот момент, значимость которого сложно переоценить.

Сельское хозяйство

Как обстоят дела на полях Беларуси на данный момент?

Как обстоят дела на полях Беларуси на данный момент?

Успех зависит от соблюдения отраслевых регламентов и технологий.

Регионы

Бьюти-рецепты XVIII века восстанавливают в Грабовке

Бьюти-рецепты XVIII века восстанавливают в Грабовке

«Императорский» туристический маршрут поможет развивать сельскую территорию.