Воін-інтэрнацыяналіст, адзін з першых кіраўнікоў афганскага руху ў нашай краіне Павел Шацько ўзначальвае арганізацыю ветэранаў вайны ў Афганістане пры Маскоўскім раёне Мінска. 15 лютага, наведваючы Востраў слёз, я заўсёды сустракаю гэтага, з сумнымі вачыма, мужчыну з баявым ордэнам на грудзях.
Павел Вадзімавіч, як і многія яго аднапалчане прыходзіць аддаць даніну памяці салдатам і афіцэрам, якія не вярнуліся з той неаб'яўленай вайны. Гэтую вайну Павел Вадзімавіч ведае, як ніхто іншы, бо не раз знаходзіўся пад агнём душманаў, страчваў сваіх саслужыўцаў. У пачатку 1983 года, пасля выканання чарговага задання, сам вяртаўся ў часць, але трапіў пад прыцэльны мінамётны агонь. Цяжкае раненне, страта рукі. Тады і вайна, і юнацтва для яго скончыліся. А да дэмабілізацыі заставалася ўсяго тры месяцы...
Прэзідэнт Аляксандр Лукашэнка накіраваў зварот да воінаў-інтэрнацыяналістаў, ветэранаў вайны ў Афганістане з нагоды Дня памяці воінаў-інтэрнацыяналістаў.
«Разам з бацькамі, жонкамі, дзецьмі салдат і афіцэраў, якія загінулі ў далёкім Афганістане, мы памятаем і смуткуем па сваіх земляках. Ганарымся мужнасцю і стойкасцю беларусаў, якія, праявіўшы гераізм і захаваўшы вернасць прысязе, сумленна выканалі свой воінскі абавязак», — гаворыцца ў звароце.
Кіраўнік дзяржавы адзначыў, што дзесяцігадовы ўдзел у баявых дзеяннях абмежаванага кантынгенту савецкіх войскаў на афганскай зямлі ўжо тады паказаў, наколькі вялікія могуць быць геапалітычныя амбіцыі асобных краін і як высока цэняцца мір, стабільнасць і бяспека. «Гэтыя ўрокі актуальныя і цяпер, калі ва ўмовах разрастання міжнароднага тэрарызму і экстрэмізму адной з галоўных задач для нашай маладой суверэннай краіны застаецца захаванне і ўмацаванне незалежнасці, — падкрэсліў Прэзідэнт. — Перакананы, што воіны-інтэрнацыяналісты і надалей будуць прыкладам адвагі і гонару для маладога пакалення абаронцаў нашай Радзімы».
Анатоль Кляшчук
Фота аўтара
Мероприятие проводится на добровольной основе.
Не обнаружить ни секунды равнодушия.
А вместе с ними обучение, соцпакет и даже жилье.
