Вы здесь

Эксперымент. Спрабуем набыць медыцынскія маскі ў Мінску і Віцебску


Апошнiм часам медыцынская маска стала паўнавартасным аксесуарам i, магчыма, неабходнай рэччу, якую абавязкова трэба захапiць акрамя ключоў i тэлефона, калi зранку выходзiш з дому. Канешне, можна доўга спрачацца наконт iх эфектыўнасцi i мэтазгоднасцi, але попыт расце i ён павiнен быць задаволены ў поўнай меры. Прынамсi, такая задача неаднойчы ставiлася на найвышэйшым узроўнi. Нашы карэспандэнты ў Мiнску i Вiцебску атрымалi заданне высветлiць, цi проста купіць маскi ў аптэках.


Фота: ngnovoros.ru

Журналiст «Звязды» прагуляўся па цэнтральных вулiцах Віцебска i завiтаў у аптэкi i «пункты лекаў», размешчаныя ў папулярных сярод гараджан i гасцей горада гандлёвых цэнтрах.

Калi казаць шчыра: цi патрэбны маскi ўсiм? Не! У першую чаргу — хворым, каб не заразiлi iншых, ды здаровым, якiя знаходзяцца ў памяшканнях. На свежым паветры iнфекцыю «падчапiць» немагчыма, сцвярджаюць медыкi.

Дарэчы, на вулiцы мiнакоў, якiя былi ў масках, аўтар гэтых радкоў за дзве гадзiны налiчыў чалавек пяць, i большасць з iх — мужчыны...

Жарты пры знаёмстве з дзяўчатамi i дамамi, якiя праходзiлi мiма, наконт таго, дзе яны купiлi такую прыгажосць на твары, успрымалiся са смехам. Вiрус вiрусам, а жыццё ж працягваецца. Тым больш што вясна набiрае моц. Так што панiкi, страху заразiцца аўтар падчас прагулкi не адчуў.

У пачатку «марафону» зайшоў у аптэку ў гiпермаркеце, якi побач з «МакДональдсам». Гэта недалёка ад, бадай, самых вядомых вiцебскiх спальных мiкрараёнаў пад агульнай назвай Бiлева. Прыдумаў легенду — маўляў, строгая начальнiца дала даручэнне купiць калектыву аддзела маскi. I пажадана, канешне, знайсцi танныя. Фармацэўт адказала, што, на жаль, танных мне прапанаваць не можа, бо па 50 i 70 капеек раскупiлi даўно. Але так званую шматразовую за 1 рубель 45 капеек купiць нават больш выгадна. Так, трэба праз дзве-тры гадзiны замянiць. Але, калi ўзяць для разлiку працягласць рабочага дня з перапынкам, дык пяцi масак хопiць. А далей — дома памыў, адпрасаваў i нацягвай зноў.

У камерцыйнай аптэцы на галоўнай плошчы горада — Перамогi — сказалi, што масак няма. Калi прывязуць, будуць прадаваць па 2 рублi 10 капеек.

Дарогу перайшоў, трохi прайшоў — ты ўжо каля ўваходных дзвярэй «Белфармацыi». У дзвюх аптэках на Маскоўскiм праспекце прапаноўвалi маскi па 1 рублi 62 капейкi. А ў трэцяй, якая знаходзiцца недалёка ад галоўнага паштамта, ужо паспелi прадаць за 1 рубель 16 капеек. Фармацэўт сказала, што доўга чакаць не давядзецца i тавар будзе каштаваць столькi ж, бо маскi мясцовай вытворчасцi.

Дарэчы, паводле iнфармацыi Мiнiстэрства аховы здароўя, у Беларусi маскi робяць сем вытворцаў. Штодня — звыш 100 тысяч штук, а на гандлёвых складах iх у наяўнасцi больш за 1,5 мiльёна. На сайце ведамства напiсана: прадаюцца маскi паштучна (ад 17 капеек), упакоўкамi — па 3-5 штук (ад 58 капеек). Але ж у аптэках цэны не такiя, як на афiцыйным сайце мiнiстэрства. Канешне, iнтарэс прадаўцоў нiхто не адмяняў, але...

У дзвюх камерцыйных аптэках розных сетак (ад адной да другой рукой падаць) цана масак была 1,56 i 1,42 рубля. Гэта танней, чым у «Белфармацыi».

На праспекце Чарняхоўскага ў дзяржаўнай аптэцы, якая працуе кругласутачна, каля дзвюх гадзiн дня кошт масак быў 1,62 рубля. Што цiкава, калi пазней тэлефанаваў туды ж, адказалi, што ёсць ужо i па 96 капеек — з завязкамi, а на гумках — па 1,41 рубля... Мо падвезлi? Ну дык i добра!

У адной з самых папулярных вялiкiх крам Вiцебска — «Грыне» — у камерцыйнай аптэцы на другiм паверсе маска каштавала 2,25 рубля. Работнiк сказаў, што яна дарагая, бо ўнутры вата.

На вулiцы Воiнаў-iнтэрнацыяналiстаў у краме «Капеечка» маскi прадавалi па цане 1,25 рубля. Дарэчы, гэта адзiнае на маiм шляху месца, дзе папулярны на сёння тавар выставiлi так, каб было вiдаць, i з цаной: наклеiлi на шкло, недалёка ад касавага апарата.

Цiкава: а як з маскамi ў глыбiнцы?

У райцэнтры Лёзна i ў сельскiх населеных пунктах раёна няма праблем з «маскавым пытаннем». Маскi ў аптэках «Фармацыi» каштуюць 1,16 рубля. У Лёзне яшчэ ёсць аптэка недзяржаўнага канкурэнта, дзе пад вечар у чацвер маскi скончылiся, але мне паабяцалi, што доўга чакаць не давядзецца. Цана — 1,45 рубля.

Юрый Дзеркач, начальнiк галоўнага ўпраўлення па ахове здароўя Вiцебскага аблвыканкама, падкрэслiвае, што маскi ў дастатковай колькасцi ёсць ва ўсiх аптэках. Нiякiх праблем. Калi ў нейкай прыватнай няма, аўтару гэтых радкоў прапанавалi адразу iнфармаваць «iнстанцыi», каб тавар аператыўна прывезлi.

На сёння няма толькi танных аднаслойных масак, бо яны кiтайскай вытворчасцi, у нас у краiне iх не вырабляюць, растлумачыў Юрый Дзеркач. Яны выкарыстоўваюцца для выдачы ў пунктах пропуску, для даследаванняў, бо iх зручна хутка здымаць i выкiдваць. У найблiжэйшы час, адзначыў суразмоўца, выраб такiх масак будзе распачаты i ў нас.

УДАКЛАДНIЦЬ ПРАЗ ЗВАНОК

Што датычыцца сталiцы, то на сайце 103.by яшчэ ранiцай значылася, што маскi можна набыць у 409 сталiчных аптэках. Аднак, як параiў фармацэўт адной з камерцыйных аптэк, лепш карыстацца сайтам tabletka.by — там можна знайсцi больш дакладную iнфармацыю. А яшчэ лепш перастрахавацца, каб не губляць час, i ўдакладнiць усё, што вас цiкавiць, праз званок у пэўную аптэку.

Напрыклад, сярод 409 аптэк, якiя значацца на сайце 103.by, шмат дзяржаўных. Пасля званкоў у некаторыя з iх высветлiлася, што iнфармацыя сапраўды не заўсёды супадае. Так, шматразовыя марлевыя маскi, якiя каштуюць больш за рубель, былi ў патрэбнай колькасцi ва ўсiх аптэках. У адной з iх фармацэўт адразу адзначыла, што «на рукi» яны прадаюць сама болей 10—20 штук. А вось аднаразовых масак, якiя каштуюць 28 капеек i значацца на сайце, у наяўнасцi не было. Ва ўсякiм разе, у тых аптэках, што мы абзванiлi.

Былi на сайце i прыватныя аптэкi, дзе на самай справе масак не аказалася. У адной з камерцыйных кругласутачных аптэк фармацэўт параiла звярнуцца ў дзяржаўную сетку.

— Калi ў нас з'явяцца маскi, я не ведаю, але вы заўсёды можаце iх знайсцi ў дзяржаўных аптэках, туды прывоз ажыццяўляецца кожны дзень, — растлумачыла спецыялiст. — Аднаразовых там можа не быць, але заўсёды ёсць марлевыя, iх можна выкарыстоўваць некалькi разоў — пасля прымянення памыць i адпрасаваць.

Таксама маскi былi ў выпадковых камерцыйных аптэках, якiх на сайце не аказалася. На гарачай лiнii адной з iх адзначылi, што аднаразовыя маскi сталi зноў паступаць, але цяпер iх цана вырасла i наблiжаецца да цаны шматразовых. Дарэчы, часцей за ўсё ў камерцыйных аптэках маскi i так каштуюць больш, чым у дзяржаўных.

А вось на сайце tabletka.by значыцца 507 аптэк, дзе можна набыць медыцынскiя маскi. У асартыменце прадстаўлены аднаразовыя трохслойныя (ад 24 капеек), шматразовыя чатырохслойныя (ад 1,02 рубля) i нават рэспiратары (ад 3,31 рубля). У пошуку тавары падзяляюцца не толькi на вiды, але i ў залежнасцi ад вытворцы. Зусiм невялiкую колькасць складаюць маскi расiйскай вытворчасцi — на сайце яны значацца толькi ў адной аптэцы. Рэспiратары ж (толькi з Расii) — у трох.

Аднак, пазванiўшы, мы высветлiлi, што рэспiратараў нiдзе няма. Дзесьцi паведамiлi, што прывоз ажыццяўляецца кожны дзень i што прывязуць сёння, яшчэ дакладна невядома, калi, а дзесьцi сказалi, што iх ужо не будзе, але праз некалькi гадзiн павiнны прывезцi маскi. У адзiнай аптэцы, дзе значацца маскi расiйскай вытворчасцi, не аказалася ўвогуле нiякiх. Фармацэўт адзначыла, што гэты вiд тавару заўсёды стаiць у заяўцы i яна спадзяецца, што маскi з'явяцца ў продажы назаўтра.

Ва ўсiх жа 503 астатнiх аптэках на сайце значацца тавары 10 розных беларускiх кампанiй. У дзяржаўнай сетцы шматразовыя маскi былi ва ўсiх аптэках, што мы абзванiлi.

— Зранку былi аднаразовыя, але iх разабралi, шматразовыя ёсць, — паведамiлi ў дзяржаўнай аптэцы. — Калi яны зноў з'явяцца, мы не можам сказаць: прывоз плануецца на наступным тыднi, але гарантыi, што прывязуць менавiта аднаразовыя маскi, няма.

Так, у некаторых камерцыйных аптэках, якiя значацца на сайце tabletka.by, не было нiякiх масак. Сям-там фармацэўты спадзявалiся на прывоз у найблiжэйшы час. Пасля абеду сайт даў новыя звесткi, прапаноў стала больш. Але i попыт пакуль не меншае.

Валерыя КIСЛАЯ

Аляксандр ПУКШАНСКI

Название в газете: ...купiць маску ў аптэцы

Выбор редакции

Общество

Как сохранить сердце и сосуды здоровыми

Как сохранить сердце и сосуды здоровыми

Одним из самых распространенных заболеваний в мире является артериальная гипертензия.

Общество

Волонтер проекта «Помощь бездомным»: тепло и поддержка даже через еду передаются

Волонтер проекта «Помощь бездомным»: тепло и поддержка даже через еду передаются

Они кормят горячими обедами более ста человек, оказавшихся на обочине жизни.

Культура

Хотим ли мы дожить до момента, когда наши дети совсем перестанут читать печатные книги?!

Хотим ли мы дожить до момента, когда наши дети совсем перестанут читать печатные книги?!

«Академкнига» превратилась в центр самой разнообразной литературы.

Общество

Руководитель брестского военно-исторического клуба «Гарнизон» о работе объединения  и реконструкциях обороны крепости-героя

Руководитель брестского военно-исторического клуба «Гарнизон» о работе объединения и реконструкциях обороны крепости-героя

Утро, Брестская крепость, выстрелы, взрывы, солдаты, вероломное нападение и героическая оборона — спустя десятилетия в печальный рассвет 22 июня 41-го современные реконструкторы обороны переносят зрителей каждый год.