Вы здесь

Залаты сямейны ўраджай


Восень, кастрычнік, пачатак бабінага лета. У такую пару мне шанцуе на сустрэчы з цікавымі, больш за тое — шчаслівымі людзьмі. Шпацыруючы па вёсцы Тарасава Мінскага раёна, я назіраў, як сямейная пара дружна ўвіхалася каля садовага дрэва, ашчадна здымаючы чырвоныя яблыкі. З добрым настроем, весела гаспадары складвалі ў кошыкі спелую садавіну. І мне закарцела адчыніць брамку, бліжэй пазнаёміцца з імі.


Віктар і Людміла Дробышы — так завуць маіх герояў — ветліва запрасілі на свой утульны і прыгожы падворак, пачаставалі налітымі сокам папяроўкамі, расказалі пра сёлетні ўраджай, які выдаўся надзіва шчодры, падзяліліся сакрэтамі доўгага сямейнага жыцця. Слова за словам — і я даведаўся, што Віктар Цімафеевіч амаль сорак гадоў працаваў у саўгасе «Ждановічы» слесарам па рамонце газавага прамысловага абсталявання, Людміла Аляксандраўна працавала ў сістэме гандлю. Калі яны выйшлі на заслужаны адпачынак, пабудавалі ў вёсцы свой дом і пераехалі сюды на сталае жыццё. А яшчэ Віктар і Людміла не прамінулі расказаць, што сёлета ў іх незвычайны год — пяцьдзясят гадоў сумеснага жыцця. Шчыра кажучы, я не адразу паверыў у гэты красамоўны біяграфічны факт — надта маладыя ў іх твары і юначыя агеньчыкі ў вачах. Я палічыў сваім абавязкам запрасіць іх папазіраваць, каб зрабіць «вясельны» партрэт на фоне раскошнай восені.

Анатоль КЛЯШЧУК

Фота аўтара

Выбор редакции

Экономика

Энергия мусора, качество воды и снижение затрат вдвое. Коммунальщики и ученые обсудили влияние инноваций на жизнь отрасли

Энергия мусора, качество воды и снижение затрат вдвое. Коммунальщики и ученые обсудили влияние инноваций на жизнь отрасли

Светодиоды с многослойными нанопленками, которые меняют цвет в зависимости от времени суток и подстраиваются под биоритм человека...

Общество

«Ядерная» карьера. Как готовят будущих атомщиков

«Ядерная» карьера. Как готовят будущих атомщиков

Почему настолько важна высокая квалификация персонала для работы на атомной станции?