Вы здесь

Што фатаграфуюць у Рыа беларускія алімпійцы


Наша тэнісная легенда Максім Мірны, на жаль, у Алімпіядзе ўжо не ўдзельнічае. У першай жа сустрэчы парнага турніру ён разам Аляксандрам Бурым саступіў аўстрыйцам Аліверу Марачу і Аляксандру Пею. Шкада, безумоўна. Але Максім працягвае выраменьваць пазітыў і падтрымлівае з трыбун нашых спартсменаў на Алімпіядзе.


Мірны схадзіў на баскетбольны матч нашай жаночай зборнай з Францыяй, у якой беларускі драматычна саступілі на апошняй секудзе сустрэчы. "Дзяўчаты, вы малайцы! — падтрымаў спартсменак пасля ў Інстаграме Максім. — Ганарымся нашай зборнай!"

А яшчэ Максім сфоткаўся на памяць з суперзоркай скачкоў з шастом Сяргеем Бубкам. Той, хто жыў у СССР, мусяць памятаць яго перамогу на Алімпіядзе ў Сеуле.

Наша каманда па мастацкай гімнастыцы ўжо таксама ў Рыа. Спаборніцтвы пачынаюцца толькі 19 жніўня. Часу на падрыхтоўку яшчэ хапае. Мяркуючы па фотаздымках, у дзяўчат выдатны настрой. Будзем верыць, што ў іх усё атрымаецца.

Меліціна Станюта сфатаграфавалася з алімпійскім факелам…

Ёсць у яе здымак і са сцягам спартыўнага таварыства "Дынама", якое прадстаўляе Меліціна.

Напарніца Станюты Кацярына Галкіна адзначылася вось такім кадрам. Аказваецца такія "жывыя" надпісы Rio 2016 можна выкарыстоўваць не толькі як фон для фона, але як лежакі.

А вось куды ўскараскалася наша каманда па мастацкай гімнастыцы ў групавых практыкаваннях.

З фантазіяй у гэтых прыгажунь усё насамрэч на належным узроўні.

Наталля Вяткіна чакае старту спаборніцтваў у трайным скачку. У свой акаунт у Інстаграм яна закінула радасны здымак з подпісам "Нарэшце я да Цябе даехала!". Гаворка ідзе пра Алімпіяду, калі хто не зразумеў:)

Ілья Чаргейка ў стральбе з пнеўматычнай стрэльба заняў выніковае шостае месца. У сеціве Ілья выклаў фота таго, хто мацней за ўсіх за яго балеў.

Ну і напрыканцы некалькі фотак ад нашых непаўторных баскетбалістак. Яны хоць і саступілі ў першых двух матчах на Гульнях Японіі і Францыі, але не губляюць аптымізму і настрою. Кацярына Сныціна на тэнісным корце паўстала ў "вобразе вышыванкастайл” ад Алены Леўчанкі. Подпіс да фота сцвярджае: "Калі ты хочаш працаваць з лепшымі, павінен выглядаць файна".

А ў наступным  кадры Сныцінай становіцца ўсё зразумела. Тэнісны ўрок дзяўчатам даў… Максім Мірны.

Дарэчы, гэтым вечарам дзяўчаты правядуць адказны матч супраць зборнай Бразіліі. Пачатак сустрэчы ў 21:30. Трансляцыю будзе весці тэлеканал "Беларусь 5". Падтрымае дзяўчат разам!

Тарас ШЧЫРЫ

Выбор редакции

Общество

Галина Левина: Памятник — не конструктор и не чертеж, его надо пережить, выстрадать

Галина Левина: Памятник — не конструктор и не чертеж, его надо пережить, выстрадать

У архитектора Галины Левиной — Хатынь, творческое наследие ее отца.

Общество

Премия красоты. Ради чего люди ложатся под нож пластического хирурга?

Премия красоты. Ради чего люди ложатся под нож пластического хирурга?

Как свидетельствуют многочисленные исследования, привлекательным людям проще пробиться в жизни и они достигают в карьере большего успеха.

В мире

Как Европа восстанавливается от ковидного удара?

Как Европа восстанавливается от ковидного удара?

В этом году европейская экономика будет переживать глубокую рецессию из-за вспышки коронавируса, несмотря на быстрые и всеобъемлющие антикризисные меры как на союзном, так и на национальном уровне.

Экономика

Тонкое искусство благополучия. Составляем семейный бюджет вместе со специалистом Нацбанка

Тонкое искусство благополучия. Составляем семейный бюджет вместе со специалистом Нацбанка

2020 год поставил всех нас перед необходимостью четко планировать свои расходы.