Пра тое, што паблізу вёскі Брускоўшчына Маладзечанскага раёна ўпаў самалёт, на станцыю хуткай медыцынскай дапамогі ў сярэдзіне дня паведаміў відавочца. Фельчар звязалася з выратавальнікамі. Аднак іх дапамога не спатрэбілася.
— На месцы высветлілася, што з вышыні каля 50 метраў упаў аднаматорны мотапланёр, які належаў 57-гадоваму мужчыну, што ў прыватным парадку дае ўрокі пілатавання. У момант падзення за штурвалам знаходзіўся 49-гадовы навучэнец, — паведамілі ў Мінскім абласным упраўленні МНС. — У выніку пацярпелі абодва мужчыны. Гаспадар мотапланёра атрымаў адкрыты пералом левай галёнкі, закрыты пералом левага пляча, пералом носа, гематому век. У навучэнца зафіксавалі адкрыты пералом левай галёнкі, ірваную рану ніжняй сківіцы, удар правай кісці, рану лба. Пацярпелых шпіталізавалі ў траўматалагічнае аддзяленне Маладзечанскай цэнтральнай раённай бальніцы. Прычыны здарэння высвятляюцца.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.