У Віцебску падчас чарговага міжнароднага фестывалю мастацтваў "Славянскі базар" адбудзецца міжнародная выстава-кірмаш "Малы бізнес у фестывальным Віцебску". Сёлета яна пройдзе ў 13 раз.
— Кірмаш — выдатная магчымасць для жыхароў і гасцей горада пазнаёміцца з прадукцыяй фірмаў-вытворцаў з розных рэгіёнаўБеларусі
, а таксама з Расіі. Мерапрыемства пройдзе з 10 па 17 ліпеня на трох пляцоўках: у культурна-гістарычным комплексе "Залатое кольца горада Віцебска "Дзвіна", каля канцэртнай залы "Віцебск" — адной са сцэнічных пляцовак "базару", а таксама напешаходнай вуліцы Суворава, — паведамілі ў арганізацыйным камітэце. — У выставе возьмуць удзел каля 40 прадпрыемстваў з розных сфер вытворчасці тавараў народнага спажывання. Прадпрыемствы прадставяць жаночае адзенне, вырабы з футры, абутак, хатні тэкстыль, крышталь, галантарэйныя вырабы і іншае.
Для ўстанаўлення кааперацыі паміж айчыннымі і замежнымі прадстаўнікамі малога і сярэдняга бізнесу ў Віцебскім гарвыканкаме адбудзецца бізнес-канферэнцыя "Дзяржаўная падтрымка прадпрымальніцтва. Дасягненні і метады далейшага развіцця інфраструктуры падтрымкі прадпрымальніцтва". На мерапрыемства таксама запрошаны прадстаўнікі адміністрацыі Маскоўскага раёна Санкт-Пецярбурга, Маскоўскай гандлёва-прамысловай палаты, дзяржаўнага фонду прадпрымальніцтва Калужскай вобласці, Смаленска.
Аляксандр ПУКШАНСКІ.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
