Вы тут

Што яшчэ ёсць пра беларусаў?


Нацыянальная культура цяпер анлайн

Ёсць ідэя ўсю гуманітарную прастору Беларусі аб'яднаць у інтэрнэце. Павінен з'явіцца рэсурс (ці некалькі), які акумуляваў бы ўсё — пачынаючы ад мастацтва, гісторыі і заканчваючы адукацыяй і грамадскімі сувязямі. Такая перспектыва і зманлівая, і досыць нерэальная адначасова. Ааднак калі за ажыццяўленне яе бярэцца Адам Мальдзіс сумесна з Інстытутам культуры, можна спадзявацца, што вынік будзе.

Спачатку варта расказаць пра праект, які ўжо блізкі да ажыццяўлення і таксама мае дачыненне да ўсебеларускага культурнага яднання. Наш народ досыць сціплы і свае культурныя дасягненні афішаваць не любіць. А калі пэўны дзеяч выязджае за мяжу і там працягвае рабіць штосьці значнае, мы паслухмяна згаджаемся з тым, што яго запісваюць у шэрагі знакамітых прадстаўнікоў чужой краіны. Аднак з такім становішчам спраў зусім не згодны ў Савеце Федэральнай нацыянальна-культурнай аўтаноміі "Беларусы Расіі" і грамадскім аб'яднанні "Міжнародная асацыяцыя беларусістаў".

Аўтарскі калектыў, што складаецца з прадстаўнікоў гэтых арганізацый, стварыў энцыклапедычны даведнік "Сузор'е беларускага памежжа: беларусы і народжаныя ў Беларусі ў суседніх краінах".

Аўтары адзначаюць, што для стварэння кнігі шмат гадоў карпатліва працавалі разам з беларусамі памежжа, куды, па іх словах, уваходзяць усе краіны, якія ўтварыліся на тэрыторыі былога СССР, а таксама Польшча. Розныя аўтары пісалі абагульняючыяартыкулы тыпу "Беларусы ў Польшчы", "Беларусы ў Расіі", "Беларусы ва Украіне" — усяго атрымалася каля 150 прац. Таксама каштоўным падаецца раздзел "Асобы", у якім змяшчаюцца матэрыялы пра нашых выдатных суродзічаў, нашу "донарскую кроў", якой сілкаваліся суседнія краіны і культуры на працягу ХVІ — ХХІ стагоддзяў і сілкуюць цяпер — каля 1650 такіх матэрыялаў.

Усе артыкулы зараз знаходзяцца ў Інстытуце культуры Беларусі, завяршаецца іх уніфікацыя, падрыхтоўка да выдання.

Вяртаючыся да ідэі Адама Мальдзіса, якая была агучана напачатку і з'яўлялася ключавой на сустрэчы па абмеркаванні праекта "Інфарматызацыя беларускай гуманітарнай прасторы", варта разгарнуць справу збірання звестак пра Беларусь культурную. Праўда, у якой форме гэта будзе рабіцца, пакуль да канца не вызначана. Нехта, верагодна, будзе акумуляваць звесткі па краязнаўстве, а таксама па літаратурных мясцінах. Адам Мальдзіс выказаў асабістае жаданне займацца зборам звестак па беларускіх дыяспарах. Крытык Ірына Шаўлякова-Барзенка, якая прадстаўляла Нацыянальны інстытут адукацыі, гатова дапамагаць прасоўваць сваю "адукацыйна-крытычную" сферу — напрыклад, разам з іншымі маладымі крытыкамі прадастаўляць рэцэнзіі на кнігі пра знакамітых беларускіх асоб ці падзеі.

Начальнік аддзела навукова-метадычнага забеспячэння дзейнасці па ахове гісторыка-культурнай спадчыны Інстытута культуры Беларусі Ала Сташкевіч была заклапочана, натуральна, пытаннямі спадчыны. Яна распавяла, што ствараецца электронная база даных па нематэрыяльнай спадчыне беларусаў — гэта "Жывая спадчына Беларусі" (сайт www.lіvіnghеrіtаgе.bу). Зараз актыўна распрацоўваецца англамоўны варыянт сайта. Там адлюстроўваецца і тое, што ўжо ўнесена ў дзяржаўны спіс нематэрыяльнай спадчыны, і што яшчэ рыхтуецца да ўнясення. Плануецца стварыць і асобную базу даных па беларускіх каштоўнасцях, якія знаходзяцца за мяжой.

Як бачым, наша культура асцярожна, але досыць упэўнена становіцца на электронныя, інфармацыйныя рэйкі. Час наспеў! Бо глабальнае павуцінне аблытвае ўсіх і ўся. Па агульнасусветнай тэндэнцыі, у сродках масавай інфармацыі і інтэрнэце зараз шмат смецця і рознай лухты. Таму вялікія надзеі ўскладаюцца менавіта на культурніцкія СМІ — гэта літаральна адзіны спосаб запоўніць галовы людзей чымсьці карысным.

Ніна ШЧАРБАЧЭВІЧ.

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.