Вы тут

Следства па "Абліччы" скончана


У Брэсце падыходзіць да лагічнага завяршэння справа з падманутымі дольшчыкамі будаўнічай фірмы "Аблічча". Напомнім, што кампанія, якая займалася ўзвядзеннем элітнага жылля ў абласным цэнтры, некалькі гадоў таму спыніла сваё існаванне, спаслаўшыся на крызіс і недахоп сродкаў для працягу будаўніцтва. Пры гэтым сотні людзей унеслі свае грошы за будучыя кватэры. Многія разлічыліся ў поўным аб'ёме.

Падманутыя людзі прайшлі ўсе магчымыя інстанцыі. Іх не пакінулі сам-насам з праблемамі. Завяршыць будаўніцтва даручылі іншым арганізацыям, дольшчыкам жа давялося даплаціць. Як ужо паведамляла наша газета, кіраўнік фірмы "Аблічча" Мікалай Клімук, больш за год таму быў узяты пад варту. І вось следства, якое працягвалася дваццаць месяцаў, скончана. Пра гэта паведаміў пракурор Брэсцкай вобласці Іван Наскевіч.

Зараз грамадзянін Клімук і яго адвакаты знаёмяцца з матэрыяламі справы, якая складае 112 тамоў плюс 30 тамоў бухгалтарскіх дакументаў.

Пацярпелымі па справе прызнаны 435 чалавек. Ім прычынены ўрон на суму больш за 60 мільярдаў рублёў у выглядзе непабудаванага жылля. Следства, якое вяло ўпраўленне Следчага камітэта па Брэсцкай вобласці, кваліфікавала дзеянні былога дырэктара па пяці артыкулах Крымінальнага кодэкса, сярод якіх — крадзеж шляхам злоўжывання паўнамоцтвамі ў буйным памеры, ухіленне ад выплаты падаткаў і збораў, злоўжыванне службовым становішчам. Мера пакарання па асобных з іх прадугледжвае пазбаўленне волі да дзесяці гадоў з канфіскацыяй маёмасці. Усё будзе вырашаць суд, які менш чым праз месяц атрымае дакументы.

Святлана ЯСКЕВІЧ

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Палітыка

Аляксандр Лукашэнка: Беларусы былі і будуць адным народам

Аляксандр Лукашэнка: Беларусы былі і будуць адным народам

Прэзідэнцкі прыём праходзіць у Нацыянальным выставачным цэнтры «БелЭкспа».