Коратка

Беларусь і Сусветны банк падпісалі пагадненне аб пазыцы ў памеры $90 млн для дадатковага фінансавання праекта па павышэнні энергаэфектыўнасці ў рэспубліцы.

У Беларусі па рашэнні суда з пачатку гэтага года канфіскавана 12 аўтамабіляў, што ў 2,4 раза больш, чым за ўвесь папярэдні год.

У арганізацыях рэспублікі (без мікраарганізацый) на канец 2012 года моладзь ва ўзросце да 31 года складала 25,6 працэнта ад агульнай колькасці работнікаў. Для моладзі прыярытэтнымі з'яўляліся такія віды эканамічнай дзейнасці, як фінансавая дзейнасць, гандаль, рамонт аўтамабіляў, бытавых вырабаў і прадметаў асабістага карыстання, гасцініцы і рэстараны.

Чацвёрты клас пажарнай небяспекі з магчымых пяці ўведзены ў лясах па большай частцы Гомельскай і Магілёўскай, па ўсходзе Мінскай і Віцебскай абласцей. Лясная ахова на ўсходніх тэрыторыях пераведзена на ўзмоцнены рэжым работы.

У Шчучынскім раёне плануюць пабудаваць сонечную электрастанцыю магутнасцю 1,26 МВт на плошчы 3 га. Праект коштам Br14,7 млрд мае намер рэалізаваць таварыства з абмежаванай адказнасцю "Аграхімсвет", зарэгістраванае ў Шчучынскім раёне. Рэалізаваць праект кампанія гатова за 2 гады.