Вы тут

Асноўная праблема — Самаўпраўства


Ва ўсе часы існуюць людзі, якія жывуць па прынцыпе "што хачу — тое і раблю", не зважаючы пры гэтым ні на што. У тым ліку і на "літару закона". І часам самавольшчыкі пачынаюць выпраўляцца толькі перад праверкамі ці пасля выпісаных ім буйных штрафаў. Але наколькі востра зараз стаіць у Мінскай вобласці гэтая праблема?

— Не сакрэт, што ў бюджэтах раёнаў часам не хапае грошай для паўнавартаснай аховы, маштабнай рэканструкцыі і аднаўленчых работ на аб'ектах гісторыка-культурнай спадчыны. Але ж падтрыманне элементарнага парадку вялікіх выдаткаў не пацягне! Тым не менш пракуратура рэгулярна высвятляе, што дзе-нідзе да помнікаў архітэктуры адносяцца на месцах неахайна. Так, будынкі і прылеглыя да іх тэрыторыі зарастаюць травой, фактычна ператвараюцца ў звалку... Гэтыя недахопы былі выяўлены на тэрыторыі Капыльскага, Слуцкага, Мінскага, Валожынскага, Пухавіцкага і Бярэзінскага раёнаў, — канстатуе сітуацыю пракурор Мінскай вобласці, старшы саветнік юстыцыі Алег Лаўрухін

. — У такім выпадку пракуратура складае акт надзору, дзе чорным па белым прапісаны неабходныя меры для выпраўлення сітуацыі. А вінаватыя службовыя асобы адказваюць за свае пралікі. Больш за тое, мы цалкам падтрымліваем прапанову Міністэрства культуры аб тым, што мясцовыя органы ўлады павінны хаця б кансерваваць такія праблемныя аб'екты.

А вось праблема так званых "чорных капальнікаў" на Міншчыне так востра ўжо не стаіць. Летась у вобласці ўвогуле не зарэгістравана выпадкаў нелегальных раскопак у пошуку каштоўнасцяў.

Аднак самавольства, на жаль, не знікла з прыродаахоўнай галіны. Тут часам справа даходзіць да непрыкрытага парушэння заканадаўства. Напрыклад, у Чэрвеньскім і Лагойскім раёнах некаторыя прадпрыемствы самавольна распрацоўвалі кар'еры. У Маладзечанскім раёне ад несанкцыянаванай дзейнасці па ўтылізацыі адходаў нафтаперапрацоўкі аказалася забруджанай рака Уша. Не адышла на другі план і хранічная праблема несанкцыянаваных звалак... І таму раённыя пракуроры будуць цяпер праводзіць праверкі не радзей, чым адзін раз у шэсць месяцаў.

Трапляюць у поле зроку супрацоўнікаў пракуратуры і выпадкі самавольства ў зямельнай сферы. Людзі проста захопліваюць зямельныя ўчасткі або пападаюцца на іх нямэтавым выкарыстанні. Бывае і так, што яны іх атрымліваюць з парушэннямі законаў. Асабліва гэта датычыцца прылеглых да сталіцы тэрыторый — усё-такі меркантыльнасць ніхто не адмяняў. Ажыятажны попыт на зямлю паблізу мегаполіса прывёў да яе вострага дэфіцыту. Так, зараз на Міншчыне ў чарзе на ўчасткі стаяць 32 тысячы чалавек. З іх 70% прэтэндуюць на зямлю непасрэдна ў прысталіччы. Прытым вольных надзелаў у раёне ўсяго налічваецца толькі 196, а доўгачаканыя "соткі" атрымалі ўсяго 155 чалавек...

Валяр'ян ШКЛЕННІК.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.