Вы тут

Кіраўніцтва ЗАТ "Магазін "Талін" абвяргае інфармацыю аб рэйдарскім захопе


Кіраўніцтва закрытага акцыянернага таварыства "Магазін "Талін" заяўляе, што інфармацыя, прадастаўленая журналістам былым дырэктарам гандлёвага прадпрыемства аб яго рэйдарскім захопе (матэрыялы з гэтай інфармацыяй размясцілі некаторыя інфармацыйныя агенцтвы, друкаваныя і электронныя СМІ), не адпавядае рэчаіснасці. Пра гэта гаворыцца ў лісце (ён падпісаны дырэктарам згаданага прадпрыемства Ю.І. Вярэнічам), які быў дасланы ў рэдакцыю "Звязды".

У лісце паведамляецца, што адміністрацыя прадпрыемства валодае шэрагам дакументаў, якія абвяргаюць звесткі, распаўсюджаныя былым дырэктарам Янушковым. "Па-першае, ёсць шэраг рашэнняў суда, што ўступілі ў сілу, якімі прызнаецца законным валоданне акцыямі цяперашнімі акцыянерамі, а таксама законнасць звальнення Віктара Янушкова і прызначэння новага дырэктара прадпрыемства", — гаворыцца ў лісце. Кіраўніцтва гандлёвага прадпрыемства падкрэслівае, што дзеянні цяперашняга ўладальніка акцый не маюць нічога агульнага з праявамі рэйдарства: "Цяперашні ўладальнік кантрольнага пакета акцый ЗАТ "Магазін "Талін" набыў іх з дапамогай прапановы старым акцыянерам канкурэнтаздольнай цэны за акцыю, якая ў некалькі разоў перавышала тую, што прапаноўвалася раней. Цяперашняе кіраўніцтва не пагаршала фінансавыя паказчыкі прадпрыемства, не выводзіла актывы прадпрыемства з абароту. Такім чынам, размова можа ісці толькі аб інвеставанні свайго капіталу ўласнікам кантрольнага пакета акцый у рытэйлінгавы бізнес (якое пачалося яшчэ ў 2007 годзе), а не аб рэйдарскім захопе прадпрыемства", — адзначаецца ў лісце.

Таксама паведамляецца, што былы дырэктар ЗАТ "Магазін "Талін" быў звольнены са сваёй пасады па рашэнні агульнага сходу акцыянераў" і законнасць гэтага рашэння была пацверджана ў судовым парадку.

Уладзіслаў КУЛЕЦКІ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.