Вы тут

Каб дзеці былі здаровыя


У Брэсце пасля рэканструкцыі адкрыўся другі корпус абласной дзіцячай бальніцы

Завяршэнне рэканструкцыі цэлага корпуса лячэбнай установы — гэта, сапраўды, падзея, якой чакалі ў абласным цэнтры. Дзіцячая бальніца — аб'ект асаблівы. Рэканструкцыю яе пачалі яшчэ ў 2005 годзе. Спачатку аднавілі аддзяленне анестэзіі і рэанімацыі, а таксама аперацыйны блок. Усё аснасцілі сучасным абсталяваннем. Потым былі выраблены дакументы на рэканструкцыю лячэбнага корпуса на 120 ложкаў, які называюць корпусам "В". Работу распачалі ў 2010 годзе. "Будынак, узведзены ў далёкім 1958 годзе, давялося разваліць зусім, засталіся адны сцены, — расказвалі будаўнікі ПМК-6 "Аблсельбуда"

, — і зрабіць усё наноў". Трэба адзначыць, што з місіяй сваёй працаўнікі будаўнічай арганізацыі справіліся дастойна. Бальніца сустрэла наведвальнікаў прыгожым інтэр'ерам, бездакорным аздабленнем падлогі, сцен, столі.

— Усяго на рэканструкцыю затрачаны 23 мільярды рублёў, — адзначыў галоўны ўрач установы Алег Васільчук. — Набыта фізіятэрапеўтычнае абсталяванне, аснашчаны аддзяленні неўралогіі і кардыярэўматалогіі, куплены апарат для размарожвання плазмы, нейраэнцэфалограф.

Палаты аддзялення гастраэнтэралогіі ззяюць чысцінёй і святлом. У асноўным яны разлічаны на чатыры пацыенты. У некаторых мамы знаходзяцца разам з дзецьмі. Адна з іх, Марына Піліпенка, заў-
важыла, што ўмовы яе знаходжання з дзіцем нагадваюць санаторныя.
1373969173143_29-21
Перарэзаць сімвалічную стужку пры ўваходзе ў новы корпус прыехаў старшыня аблвыканкама Канстанцін Сумар.

— У нас пастаянна вядзецца будаўніцтва аб'ектаў аховы здароўя маленькіх грамадзян, — сказаў кіраўнік вобласці. — Зараз узводзіцца спальны корпус рэабілітацыйнага цэнтра "Тонус" для дзяцей, хворых на ДЦП. На падыходзе — дзіцячая паліклініка па вуліцы Кіжаватава.

Напрыканцы, пасля невялікай экскурсіі, губернатар спытаў у журналістаў: "Ну што, вам спадабалася?"

Не магло не спадабацца, не мог не парадаваць аб'ект, да ўзроўню якога павінны імкнуцца ўсе астатнія ўстановы аховы здароўя дзяцей. А медыкі ўжо асцярожна выказваюцца за неабходнасць будаўніцтва корпуса інфекцыйнага аддзялення дзіцячай бальніцы. Гэта надзённая патрэба Брэста і вобласці.

Святлана ЯСКЕВІЧ.

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.