Мінулыя дзесяць гадоў 2001—2010 былі самымі неспрыяльнымі з пункту гледжання кліматычных узрушэнняў за ўсю гісторыю назіранняў за надвор'ем з 1850-х гадоў.
Пра гэта паведамляецца ў новым дакладзе Сусветнай метэаралагічнай арганізацыі (СМА). Спецыялісты падлічылі, што гэты дзесяцігадовы перыяд стаў самым спякотным па максімальных тэмпературах на планеце. Надзвычайная гарачыня спрыяла паскоранаму раставанню льдоў Арктыкі, Антарктыкі і Грэнландыі. Вядома, што за гэты час павялічыўся ўзровень вады ў акіянах.
Паводле інфармацыі СМА, за мінулае дзесяцігоддзе была зафіксавана самая вялікая колькасць ападкаў з 1901 года. У свеце адбылося 500 трапічных ураганаў, прычым разам з экстрэмальнымі ліўнямі. Толькі гэтыя ўраганы забралі жыццё 170 тысяч чалавек, а матэрыяльны ўрон склаў 380 млрд долараў. Усяго па прычыне неспрыяльных кліматычных з'яў на Зямлі загінула за 10 мінулых гадоў ажно 370 тысяч чалавек.
Сяргей ПАЛІНІН.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!