Рэканструкцыя падзей 988 года на славянскіх землях адбывалася падчас міжнароднага моладзевага фестывалю на мяжы трох краін: Беларусі, Украіны і Расіі. 1025-годдзю Хрышчэння Русі прысвяцілі мерапрыемства яго сёлетнія гаспадары-арганізатары —украінскі бок.
У апошні дзень, які традыцыйна збірае не толькі моладзь, але і ўсіх ахвотных з наваколля, на скрыжаванне каля манумента Дружбы прыехала некалькі тысяч чалавек. У тым ліку праваслаўных вернікаў, якія прынялі ўдзел у Боскай Літургіі, што праходзіла на беразе возера. Дарэчы, як сказаў епіскап Гомельскі і Жлобінскі Сцяфан, для вернікаў межаў не існуе.
Свае прывітанні шматлікім гасцям і ўдзельнікам фэсту даслалі кіраўнікі Бранскай, Чарнігаўскай і Гомельскай абласцей. У прыватнасці, старшыня Гомельскага аблвыканкама Уладзімір Дворнік адзначыў, што гэты форум для жыхароў прыгранічных рэгіёнаў трох краін стаў знакам сяброўства і духоўнай блізкасці.
Абавязковая частка праграмы святочных мерапрыемстваў каля манумента Дружбы, якія сёлета праходзілі 44-ы раз, — работа горада майстроў усіх трох краін. І тут для прыхільнікаў творчасці любых кірункаў было дзе душы разгарнуцца. Шматлікія госці форуму наведалі творчыя пляцоўкі беларускіх, расійскіх і ўкраінскіх рэгіёнаў, выставы-продажы тавараў народнага спажывання і пачаставаліся прадукцыяй прадпрыемстваў усіх трох дзяржаў.
Ірына АСТАШКЕВІЧ.
Фота аўтара
Піша сын аднаго з партызан Генадзь Сахрай.
Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.
Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...
Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.
