Коратка

У Лідскім раёне Гродзенскай вобласці чатырохгадовая дзяўчынка выпала з 4-га паверха. Ноччу бацькі пайшлі на свята і пакінулі дачку, якая спала дома. Дзяўчынка паднялася з ложка і замест дзвярэй выйшла з пакоя праз адчыненае акно. На шчасце абышлося без цяжкіх траўмаў. Дарэчы, сям'я праблемнай не з'яўляецца.

Па выніках апытання хакейных спецыялістаў і беларускіх журналістаў, праведзенага спартыўнай газетай "Прессбол", найлепшым хакеістам Беларусі мінулага гульнявога сезона 2012/13 прызнаны Міхаіл Грабоўскі.

Насельніцтва Беларусі ў чэрвені ўпершыню за доўгі час купіла валюты больш, чым прадало. Фізічныя асобы за чэрвень прадалі наяўнай і безнаяўнай валюты на $619,1 млн у эквіваленце, набылі — $884,2 млн.