Прэзідэнту Ізраіля Шымону Перэсу ўручылі беларускае пасведчанне аб нараджэнні
Прэзідэнту Дзяржавы Ізраіль Шымону Перэсу ўчора было ўрачыста ўручана памятнае пасведчанне аб нараджэнні, якое пацвярджае факт яго з'яўлення на свет 2 жніўня 1923 года на беларускай зямлі ў вёсцы Вішнева, паведаміліБЕЛТА ў Міністэрстве замежных спраў Беларусі.
Памятнае пасведчанне аб нараджэнні было ўручана Шымону Перэсу ў рэзідэнцыі кіраўніка ізраільскай дзяржавы начальнікам упраўлення Афрыкі і Блізкага Усходу МЗС Беларусі Ігарам Ляшчэнем, які раней на працягу шасці гадоў узначальваў беларускае дыпламатычнае прадстаўніцтва ў Ізраілі, пры ўдзеле ганаровага консула Беларусі ў Дзяржаве Ізраіль Анатоля Моткіна.
Падчас сустрэчы з Шымонам Перэсам Ігар Ляшчэня падкрэсліў, што прэзідэнта Ізраіля заўсёды рады бачыць на яго малой радзіме.
Шымон Перэс з'яўляецца адным з самых вядомых палітыкаў сучаснасці. Выдача яму памятнага пасведчання аб нараджэнні стала адным з мерапрыемстваў, арганізаваных у Беларусі ў сувязі з маючым адбыцца 90-годдзем знакамітага земляка. У прыватнасці, 29 мая ў Вішнева ў прысутнасці дачкі кіраўніка ізраільскай дзяржавы Цвіі Вальдэн была адкрыта памятная дошка на доме, у якім нарадзіўся і вырас прэзідэнт Ізраіля. У той жа дзень у Вішнева адбылося адкрыццё спецыяльнай фотавыставы "Шымон Перэс: шлях ад Віленскай вуліцы ў Вішнева на Прэзідэнцкую вуліцу ў Іерусаліме".
Стацыянарныя камеры на МКАД фіксуюць...
За 5 дзён работы стацыянарныя камеры на МКАД зафіксавалі амаль 3 тыс. парушэнняў ПДР.
Стацыянарныя камеры фотафіксацыі парушэнняў ПДР за апошнія пяць дзён зарэгістравалі на Мінскай кальцавой дарозе 2869 фактаў перавышэння ўстаноўленай хуткасці руху транспартных сродкаў. Як паведаміла кіраўнік прэс-службы ДАІ ГУУС Мінгарвыканкама Таццяна Харлінская, перавышэнне ад 12 да 20 км/г дапусцілі 2367 кіроўцаў, ад 21 да 30 км/г — 404, звыш 30 км/г — 98.
Усе парушальнікі правілаў атрымаюць так званыя "пісьмы шчасця" і вымушаны будуць заплаціць штраф.
Нагадаем, 7 комплексаў фотафіксацыі хуткасці з 10 ліпеня фіксуюць парушэнні хуткаснага рэжыму на пяці найбольш аварыйна небяспечных участках МКАД. Гэта нулявы км (у раёне перасячэння з праспектам Незалежнасці), 2-гі км (з вуліцай Скарыны), 10-ы (з вуліцай Машынабудаўнікоў), 24-ы (з праспектам Дзяржынскага) і 39-ы (з вуліцай Ціміразева).
"Мінск-Навіны".
У пункце пропуску "Новая Гута" сітуацыя нармалізавалася
У пункце пропуску "Новая Гута", дзе на працягу апошніх трох дзён назіраліся вялікія аўтамабільныя чэргі, нармалізавалася сітуацыя да раніцы 16 ліпеня. Цяпер пункт працуе ў звычайным рэжыме, паведамілі карэспандэнту БЕЛТА ў прэс-службе Гомельскай пагранічнай групы.
Зараз на подступах да пункта пропуску "Новая Гута" няма вялікай колькасці аўтамабільнага транспарту, як было ў выхадныя дні і 15 ліпеня. Такая ж сітуацыя і па іншых пагранпераходах беларуска-ўкраінскага кірунку. Невялікая чарга з 30 аўтамабіляў назіраецца толькі ў "Камарыне".
Аднак да наступных выхадных спецыялісты зноў прагназуюць рост транспартнага патоку, што звязана з пачаткам масавага сезона адпачынкаў. Для таго, каб правільна выбраць маршрут руху і пазбегнуць чэргаў, пагранічнікі рэкамендуюць перад выездам знаёміцца з абстаноўкай у пунктах пропуску, выкарыстоўваючы сайт Дзяржаўнага пагранічнага камітэта.
У прэс-службе нагадалі, што, акрамя пунктаў пропуску "Новая Гута", вадзіцелі таксама могуць скарыстацца "Весялоўкай" і "Камарынам". Для грамадзян Беларусі, акрамя гэтага, адкрыты "Новая Рудня", "Аляксандраўка" і "Глушкавічы". Жыхары Гомеля і Гомельскага раёна таксама могуць перасячы дзяржмяжу праз спрошчаныя пункты пропуску "Паддабранка", "Глыбоцкае", "Андрэеўка".
На будоўлі перакулілася бетонамяшалка
Здарэнне адбылося ўвечары ў сталіцы на тэрыторыі будоўлі шматфункцыянальнага комплексу па праспекце Пераможцаў: пры пад'ездзе да месца разгрузкі бетону аўтабетоназмяшальнік "КамАЗ" перакуліўся. Пры гэтым заціснула кіроўцу 1987 года нараджэння. Работнікі МНС дасталі пацярпелага з-пад транспартнага сродку. Прыбыўшая брыгада хуткай медыцынскай дапамогі мусіла канстатаваць смерць мужчыны. Прычына здарэння высвятляецца.
Сяргей РАСОЛЬКА.
"Аўдзі" — не "Сітраен"
Рух легкавога аўтамабіля "Аўдзі А6", якім кіраваў грамадзянін Беларусі, спынілі падчас спецыяльнага мерапрыемства супрацоўнікі аператыўна-пошукавага аддзела Гомельскай мытні сумесна з ДАІ.
Паводле рэгістрацыйных нумароў аўтамабіль стаяў на ўліку ў Мінску, аднак праверка па базе даных паказала, што нумары належаць зусім іншаму аўто — "Сіtrоеn Хsаrа Рісаssо". Пры вывучэнні пасведчання пра рэгістрацыю транспартнага сродку былі выяўлены відавочныя сляды падробкі. Кіроўца патлумачыў, што набыў машыну ў Санкт-Пецярбургу — разам з рэгістрацыйным нумарам Рэспублікі Беларусь. Таксама пры продажы грамадзяніну выдалі пасведчанне пра рэгістрацыю. Падчас праверкі было высветлена, што ў базе даных Дзяржаўнага мытнага камітэта звестак пра здзяйсненне мытных аперацый на тэрыторыі нашай краіны з гэтым аўтамабілем няма. У сувязі з тым, што невядомая асоба не задэкларавала аўтамабіль пры ўвозе на тэрыторыю Беларусі, а потым перадала яго ў парушэнне парадку, аўтамабіль "Аўдзі А6" коштам больш за Br111 млн рублёў канфіскаваны. Пачаты адміністрацыйны працэс, паведамілі ў прэс-групе Гомельскай мытні.
Ірына АСТАШКЕВІЧ.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.