У Гродзенскім раёне выратавальнікі выцягнулі з меліярацыйнага канала лася, паведамілі карэспандэнту БЕЛТА ў цэнтры прапаганды і агітацыі Гродзенскага абласнога ўпраўлення МНС.
У вёсцы Новая Руда Гродзенскага раёна работнік торфапрадпрыемства знайшоў дзікую жывёлу, якая звалілася ў меліярацыйны канал. Лось апынуўся ў канаве глыбінёй каля 2 м, над вадой засталася толькі галава, пярэднімі капытамі ён чапляўся за бервяно. Жывёла моцна калацілася ад пераахаладжэння.
На дапамогу ласю прыйшлі байцы пажарнага аварыйна-выратавальнага паста аграгарадка Парэчча, у тым ліку і тыя, хто ў гэты дзень быў вызвалены ад нясення службы. Аперацыю па выратаванні правялі за 30 хвілін з дапамогай вяроўкі і падручных матэрыялаў. Ветэрынар сур'ёзных траўмаў у жывёлы візуальна не выявіў: крыху адляжаўшыся пасля выпрабавання, лось устаў на ногі. Пасля аказання неабходнай дапамогі жывёлу адпусцілі. У мясцовым лясніцтве нейкі час будуць назіраць за яго станам.
Алена СТАСЮКЕВІЧ, БЕЛТА.
Прыгажуні-гераіні паралельна — выкладчыцы Віцебскага дзяржаўнага музычнага каледжа імя Салярцінскага.
Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.
У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.
СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.
