Вы тут

На выхадныя зноў вернецца лета


У аўторак тэрыторыя нашай краіны застаецца пад уплывам атмасферных франтоў цыклону з цэнтрам над Смаленскай вобласцю Расіі, паведаміла рэдакцыі спецыяліст Рэспубліканскага гідраметцэнтра Мінпрыроды Вольга Фядотава.

Таму амаль паўсюдна будуць ісці дажджы, месцамі моцныя, часам навальніцы. У асобных раёнах прагназуецца ўзмацненне паўночна-заходняга ветру парывамі да 15—18 м/с. Тэмпература паветра ўдзень ад плюс 14 градусаў па поўдні да 22 цяпла па поўначы Беларусі. Зона паніжанага атмасфернага ціску будзе гаспадарыць у нас і ў сераду. Таму паўсюдна чакаецца кароткачасовы дождж, у асобных раёнах — з навальніцамі, а раніцай месцамі слабы туман. Тэмпература паветра ўначы на сераду 9—16 градусаў, а ўдзень — ад плюс 18 да 24 цяпла.

У чацвер і пятніцу на тэрыторыю краіны завітае больш цёплае паветра. Аднак месцамі будзе ісці кароткачасовы дождж, а часамі навальніцы. Уначы прагназуецца 10—16 цяпла, а ўдзень — плюс 20—26 градусаў.

Паводле папярэдніх разлікаў айчынных сіноптыкаў, у суботу атмасферны ціск пачне павялічвацца, таму невялікія дажджы і навальніцы чакаюцца толькі ў асобных раёнах пераважна на ўсходзе краіны. Тэмпература паветра ўначы на суботу плюс 9—16, а ўдзень — ад 21 цяпла на паўночным усходзе да плюс 28 градусаў на паўднёвым усходзе Беларусі. А вось у нядзелю да нас і ўвогуле вернецца лета. У гэты дзень ападкаў увогуле не прагназуецца. Тэмпература паветра ўначы 9—16 градусаў, а ўдзень сонейка прыгрэе да 23—28 цяпла, па паўднёвым захадзе — нават да плюс 29—31 градуса. Вось так, лета працягваецца...

Сяргей КУРКАЧ.

Выбар рэдакцыі

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі. 

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.