Вы тут

Святланы і Аляксандры часцей не плацяць за кватэру


У Магілёўскім цэнтры гарадскіх інфармацыйных сістэм стварылі партрэт тыповага неплацельшчыка за камунальныя паслугі.

Цікава, што самаму старому даўжніку ў абласным цэнтры болей за сто гадоў (1912 года нараджэння), а самы малады нарадзіўся ў 2012 годзе. Розніца ў стагоддзе — праблемы адны і тыя ж.

Асноўная група даўжнікоў (45%) — людзі ў росквіце працаздольнага ўзросту, ад 30 да 49 гадоў. Большасць (амаль 60%) афіцыйных уласнікаў і наймальнікаў, якія маюць запазычанасці па камунальных паслугах, — гэта жанчыны. Больш за ўсё неплацельшчыкаў (каля 20%) жывуць на першых паверхах. Асноўная колькасць людзей, якія забываюцца своечасова плаціць па рахунках, маюць кватэры ў два і адзін пакоі.

Нарэшце, спецыялісты цэнтра інфармацыйных сістэм склалі "Топ-5" жаночых і мужчынскіх імёнаў неплацельшчыкаў. Часцей маюць запазычанасці: Святлана (8%), Таццяна, Алена, Наталля, а таксама Галіна і Ірына (па 5,1%). Мужчынскі спіс наступны: Аляксандр (12,8%), Сяргей, Уладзімір, Мікалай і Віктар (5,2%).

— Мы робім глыбокі аналіз катэгорый людзей, якія запазычылі за камунальныя паслугі, — паведаміла дырэктар цэнтра Алена Бальшакова. — Гэта дазваляе распрацоўваць і ўжываць да кожнай канкрэтнай групы свае прыёмы і спосабы працы.

Безумоўна, інфармацыя пра імёны даўжнікоў практычнай карысці не мае, яна проста для цікавасці і, зноў-такі, прыцягнення ўвагі грамадства да праблемы. У працы па спагнанні запазычанасцяў звычайна ўжываюць звесткі пра ўзрост і сацыяльнае становішча даўжнікоў.

Запазычанасць магілёўцаў за жыллёва-камунальныя і іншыя паслугі склала на 1 чэрвеня 3,4 мільярда рублёў. У цэнтры каментуюць, што, дзякуючы сістэмнай і дакладна адладжанай працы, у апошнія гады ўдаецца не дапускаць росту запазычанасці за жыллёва-камунальныя паслугі ў Магілёве.

Ілона Іванова.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.