Вы тут

Новы супрацьпухлінны прэпарат праходзіць выпрабаванні


У Мінску ў бальніцы хуткай медыцынскай дапамогі (БХМД) праводзяцца клінічныя выпрабаванні гідрагелю "Тэмадэкс", які разыходзіцца ў арганізме. Субстанцыю для яго робяць на НВ РУП "Унітэхпрам БДУ", а лекавую форму — на прадпрыемстве "Белмедпрэпараты". Пра гэта карэспандэнту агенцтва "Мінск—Навіны" паведаміў дырэктар вучэбна-навукова-вытворчага прадпрыемства "Унітэхпрам БДУ" Павел Бычкоўскі.

Таксама клінічныя выпрабаванні новага прэпарата праходзяць у РНПЦ анкалогіі і медыцынскай радыялогіі
ім. М.М. Аляксандрава.

Атрыманы першыя вынікі, якія сведчаць пра станоўчы эфект.

— Прымяненне прэпарата ў камбінаванай хіміяпрамянёвай тэрапіі гліём галаўнога мозга (ІІІ-ІV стадыі) павялічвае працягласць безрэцыдыўнага перыяду і працягласць жыцця хворых, — распавялі ўрачы.

Вытворчасцю супрацьпухлінных лекавых прэпаратаў на прадпрыемстве "Унітэхпрам БДУ" займаюцца не першы год. Тут, напрыклад, выпускаюць прэпарат "Цысплацел" (распрацаваны ў НДІ фізіка-хімічных праблем БДУ), прызначаны для лакальнай хіміятэрапіі злаякасных пухлін галаўнога мозга, шыі, поласці рота, языка, носа і прыдаткавых пазух.

— Гэта другі ў свеце прэпарат па сваім тэрапеўтычным дзеянні, ён запатэнтаваны на тэрыторыі Рэспублікі Беларусь, — растлумачыў П. Бычкоўскі. — Разам з тым кошт адной упакоўкі амерыканскага аналага 18 тыс. долараў, а нашага — 320 долараў.

Прымяненне "Цысплацела" дапамагло паправіцца палове пацыентаў, якім выдалілі пухліны розных лакалізацый на галаве і шыі, у астатніх частата рэцыдываў знізілася на 25-40%. Да ведама, падчас лячэння лекавы сродак у форме невялікай шчыльнай тканевай сурвэткі, якая ў далейшым разыходзіцца ў арганізме, змяшчаюць у месца пасля выдалення пухліны. Прэпарат знішчае рэшткавыя блукаючыя ракавыя клеткі з гарантыяй таго, што на месцы выдаленай пухліны не пойдуць метастазы.

У перспектыве на НВ РУП "Унітэхпрам БДУ" плануюць асвоіць выпуск супрацьпухліннага прэпарата для лячэння раку страўніка.

"Мінск—Навіны"

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.