Сёння тэрыторыя нашай краіны застанецца ў зоне паніжанага атмасфернага ціску, паведаміла рэдакцыі спецыяліст Рэспубліканскага гідраметцэнтра Мінпрыроды Вольга ФЯДОТАВА.
Таму будзе няўстойлівае надвор'е, калі паўсюдна чакаюцца кароткачасовыя дажджы, а ў асобных раёнах навальніцы. Тэмпература паветра ўдзень 19—25 цяпла, па паўднёвым захадзе краіны — да плюс 27 градусаў.
У суботу стане цяплей. Невялікія дажджы чакаюцца толькі ў асобных раёнах Беларусі. Уначы і раніцай туман. Прагназуецца, што ўначы на суботу будзе плюс 10—16 градусаў, а ўдзень — 22—28 цяпла. Сапраўды камфортнае надвор'е будзе гаспадарыць у нас у нядзелю. Пераважна ўвогуле без ападкаў, толькі ў асобных раёнах невялікі кароткачасовы дождж. Раніцай слабы туман. Тэмпература паветра ўначы на нядзелю плюс 10—17, удзень 23—28 цяпла, а па паўднёвым захадзе — да плюс 29—31 градуса.
Паводле папярэдніх прагнозаў айчынных сіноптыкаў, летняе надвор'е са спякотай вернецца ў Беларусь у пачатку наступнага тыдня. У панядзелак будзе сонечна і без ападкаў. Тэмпература паветра ўначы на панядзелак плюс 10—17, удзень — 23—29 цяпла, а на паўднёвым захадзе краіны — нават да плюс 30—33 градусаў. У аўторак у паўднёва-заходнія раёны Беларусі завітае чарговы атмасферны фронт, які прынясе кароткачасовыя дажджы і навальніцы. А вось на астатняй тэрыторыі Беларусі сонечна і спякотна. Тэмпература паветра ўдзень плюс 25—30 градусаў, а ў Брэсцкай і Гомельскай абласцях — да 33 цяпла.
Сяргей КУРКАЧ.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.