Вы тут

Канстатацыя класа


Матчы 1/16 Кубка Беларусі па футболе буйных сенсацый не прынеслі. З усіх каманд першай лігі толькі мікашэвіцкі "Граніт" здолеў выбіць з розыгрышу больш вопытнага саперніка ў асобе наваполацкага "Нафтана" (2:0).

1375185280666_30-16

"Смалявічы СТІ" на сваім полі прымалі бабруйскую "Белшыну".

Зразумела, фаварыт балельшчыкамі быў вызначаны яшчэ напярэдадні кубкавай гульні. "Шыннікі" і насамрэч паказваюць нядрэнны футбол, які дазваляе камандзе Аляксандра Сяднёва прэтэндаваць на месца ў вышэйшай частцы турнірнай табліцы. Аднак заўжды амбіцыёзны Юрый Пунтус, глаўкам смалявіцкай дружыны, наўрад ці настройваў падапечных проста прымусіць апанентаў панервавацца. Бой гасцям пры 700 родных балельшчыках "Смалявічы СТІ" насамрэч далі, але лік на табло гэтага не адлюстраваў. 1:3 — далей ідзе "Белшына".

У іншых матч былі зафіксаваны наступныя вынікі: "Слонім" — "Дынама" (Брэст) — 1:3, "Ведрыч-97" (Рэчыца) — "Нёман" (Гродна) — 0:3, "Бяроза-2010" — "Гомель" — 0:3, "Віцебск" — "Гарадзея" — 2:3, СКВІЧ (Мінск) — "Дняпро" (Магілёў) — 0:3, "Полацк" — "Хваля" (Пінск) — 2:1, "Зорка-БДУ" (Мінск) — "Тарпеда" (Жодзіна) — 0:3, "Жлобін" — "Славія" (Мазыр) — 0:4, "Смаргонь" — "Ліда" — 0:4, "Гомельчыгундартранс" (Гомель) — "Слуцк" — 0:3.

У наступным раўндзе (1/8 фіналу) сустрэнуцца: "Мінск" — "Полацк", "Гарадзея" — "Граніт", "Белшына" — "Дынама" (Мінск), "Тарпеда" — "Шахцёр" (Салігорск), "Гомель" — "Славія", "Нёман" — "Дынама" (Брэст), "Слуцк" — "Дняпро" (Магілёў), БАТЭ — "Смаргонь".

Тарас ШЧЫРЫ. Фота аўтара.

Выбар рэдакцыі

Грамадства

«Экі­пі­роў­ка» вы­дат­ні­ка. Як сэ­ка­но­міць гро­шы і нер­вы?

Апошні летні месяц (асабліва другая палова жніўня) для бацькоў школьнікаў заўсёды праходзіць пад дэвізам «Збіраемся ў школу!».

Грамадства

Хлебаробы ў пагонах. Ваеннаслужачыя дапамагаюць ва ўборцы збожжа і ўносяць важкі ўклад у харчовую бяспеку краіны

Хлебаробы ў пагонах. Ваеннаслужачыя дапамагаюць ва ўборцы збожжа і ўносяць важкі ўклад у харчовую бяспеку краіны

Падчас жніва ўсе, хто задзейнічан ва ўборачнай кампаніі, часова становяцца хлебаробамі.