Вы тут

Заказчыка выберуць па конкурсе


Днямі Мінбудархітэктуры распрацавала палажэнне аб правядзенні конкурсаў па выбары заказчыка. Гэты дакумент закліканы вызначыць парадак арганізацыі і правядзення конкурсаў па выбары заказчыка (забудоўшчыка) па будаўніцтве шматкватэрных жылых дамоў (акрамя дамоў павышанай камфортнасці) у Мінску і абласных цэнтрах.

Праект дакумента вынесены на грамадскае абмеркаванне і размешчаны на афіцыйным інтэрнэт-сайце міністэрства. Распрацоўшчыкі палажэння прапануюць прадастаўляць зямельныя ўчасткі для будаўніцтва шматкватэрных жылых дамоў толькі тым юрыдычным асобам і індывідуальным прадпрымальнікам, якія вызначаны пераможцамі конкурсу па выбары заказчыка. Гэтым дакументам таксама прапануецца і парадак яго правядзення. Так, арганізатар конкурсу будзе абавязаны апавясціць аб яго правядзенні, апублікаваўшы адпаведную аб'яву ў афіцыйным друкаваным выданні або інфармацыйнай сістэме "Тэндары" на сайце Нацыянальнага цэнтра маркетынгу і кан'юнктуры цэн

, а таксама на афіцыйным сайце Мінгарвыканкама. Гэтая аб'ява павінна размяшчацца не менш чым за 30 дзён да правядзення конкурсу.

У праекце дакумента гаворыцца, што ў арганізацыі і правядзенні такіх конкурсаў удзельнічаюць яго арганізатар, конкурсная камісія і прэтэндэнты. Пры неабходнасці таксама могуць прыцягвацца кампетэнтныя спецыялісты. Для ўдзелу ў конкурсе юрыдычным асобам і ІП неабходна накіраваць арганізатару заяўку, а таксама распрацаваць конкурсную прапанову, якая адпавядае неабходным умовам, і перадаць яе ў вызначаныя тэрміны. Склад конкурснай камісіі прапаноўваецца сцвярджаць рашэннямі аблвыканкамаў і Мінгарвыканкама. Арганізатар конкурсу таксама будзе мець права правесці і папярэдні кваліфікацыйны адбор прэтэндэнтаў, аднак у гэтым выпадку яму неабходна папярэдне апавясціць пра тэрміны яго правядзення.

1375267038367_31-27

Прымаць рашэнне аб правядзенні конкурсу, прызначаць яго арганізатараў і асоб, упаўнаважаных на падпісанне дамовы з пераможцам, прапануецца даручыць аблвыканкамам і Мінгарвыканкаму.

Што тычыцца вызначэння пераможцы, то конкурсная камісія пасля вывучэння прапаноў, згодна з палажэннем, павінна вызначыць лідара на працягу 20 дзён з дня адкрыцця пакетаў на яе першым пасяджэнні. У асобных выпадках, са згоды арганізатара, гэты тэрмін можа быць прадоўжаны. Калі ў працэсе працы з конкурснымі прапановамі ў членаў камісіі ўзніклі сумненні ў сапраўднасці пададзеных звестак прэтэндэнтам або з'явілася неабходнасць у іх удакладненні, яны маюць права запытаць дадатковыя звесткі, гаворыцца ў праекце дакумента. Пераможца конкурсу будзе вызначацца шляхам адкрытага галасавання на пасяджэнні конкурснай камісіі простай большасцю галасоў.

Калі конкурсная камісія не прызнае ні аднаго з прэтэндэнтаў пераможцам, то арганізатар конкурсу можа правесці паўторны конкурс або адмяніць яго. У выпадку, калі пераможца адмаўляецца ад заключэння адпаведнага дагавора, арганізатар мае права не праводзіць паўторны конкурс, а прапанаваць заключыць дагавор другому па паказчыках пасля пераможцы прэтэндэнту.

Асноўнымі крытэрыямі, па якіх прапануецца вызначаць лепшага, з'яўляюцца тэрміны рэалізацыі праекта будаўніцтва аб'екта; аб'ём інвестыцый; крытэрыі, якія вызначаюцца функцыянальным прызначэннем аб'екта; долевы ўдзел у фінансаванні; прыцягненне прамых замежных інвестыцый на чыстай аснове; прыцягненне сродкаў фізічных асоб; наяўнасць вопыту будаўніцтва жылых дамоў плошчай не менш як 15 тыс.кв.м, уведзеных за апошнія тры гады; чыстыя актывы прадпрыемства павінны быць не менш за суму, эквівалентную $1 млн; наяўнасць у штаце па месцы асноўнай працы спецыялістаў, што маюць вышэйшую прафадукацыю будаўнічага профілю, якія прайшлі атэстацыю; наяўнасць матэрыяльна-тэхнічнай базы; магчымасць ажыццяўлення страхавання прэтэндэнтам будаўнічых рызык і іншыя.

Сяргей Куркач.

Выбар рэдакцыі

Культура

Бландзінкі за шпільцішам. Карэспандэнт «Звязды» зазірнуў углыб аргана

Бландзінкі за шпільцішам. Карэспандэнт «Звязды» зазірнуў углыб аргана

Прыгажуні-гераіні паралельна — выкладчыцы Віцебскага дзяржаўнага музычнага каледжа імя Салярцінскага.

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.