Зарплата вырасла на 20,5 працэнта

Рэальная зарплата ў першым паўгоддзі 2013 года ў параўнанні з аналагічным перыядам 2012-га вырасла на 20,5 працэнта пры прагнозе 7,1 працэнта, паведамілі БЕЛТА ў аддзеле па сувязях з грамадскасцю Міністэрства эканомікі. У тым ліку за чэрвень яна вырасла на 16,4 працэнта.

Рэальная заработная плата работнікаў бюджэтных арганізацый за шэсць месяцаў гэтага года ў параўнанні з аналагічным перыядам 2012-га вырасла на 6,4 працэнта, у тым ліку за чэрвень — на 6,9 працэнта.

Па выніках работы за студзень—чэрвень гэтага года намінальная налічаная сярэднямесячная зарплата работнікаў у цэлым па рэспубліцы перасягнула Br4,77 млн, або $550,5, павялічыўшыся ў параўнанні з адпаведным перыядам мінулага года на 45,8 працэнта.