Вы тут

У акупацыю "паштовымі галубамі" былі... каровы


Унікальныя ўспаміны сведак сабралі журналісты тэлерадыёкампаніі "Магілёў" для дакументальна-публіцыстычнага фільма аб вызваленні Беларусі.

Здымкі праходзяць у памежным з Расіяй Хоцімскім раёне. Менавіта яго жыхары амаль 70 гадоў таму, у верасні 1943 года, аднымі з першых сустрэлі савецкіх салдат, якія неслі вызваленне ад фашысцкай акупацыі.

— Мяне настолькі моцна ўразілі дзіцячыя ўспаміны людзей, якія перажылі вайну, што я нават плакала разам з імі, — прызналася аўтар праекта, рэдактар Тэлерадыёкампаніі "Магілёў" Ганна Лапо

. — Мне, напрыклад, расказалі, што на акупаванай тэрыторыі людзі маглі атрымаць інфармацыю з "вялікай зямлі" толькі праз партызанаў. І за "паштовых галубоў" трымалі, уявіце сабе, кароў. Раніцай кароў выганялі пасвіцца, а ўвечары на рагах якой-небудзь жывёліны дзеці знаходзілі прывязаныя партызанскія лістоўкі. Цяпер людзі, якім больш за 80 гадоў, памятаюць, як яны чыталі пад ложкамі сваім часта непісьменным бацькам пра тое, што Маскву не ўзялі, а Гітлеру будзе "капут"!

Рабочая назва дакументальна-публіцыстычнага фільма — "Верасень 1943-га. Недзіцячы дзённік". Яго здымаюць не толькі ў глыбінцы, але і пад Магілёвам. Тут робіцца маштабная пастаноўка, у якой задзейнічаны непрафесійныя акцёры, мясцовыя жыхары, салдаты тэрміновай службы і проста энтузіясты. Тэлевізійшчыкам дапамагаюць, у тым ліку і каштоўным рэквізітам, аматары рэканструкцыі ваеннай эпохі.

Гледачы ўбачаць фільм ў сёлета ў верасні, роўна праз 70 гадоў пасля падзей, якія ў ім згадваюцца.

Ілона Іванова

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.