Вы тут

Навесці парадак з цэнаўтварэннем у будаўнічай галіне


Прэм'ер-міністр Беларусі Міхаіл Мясніковіч патрабуе ад дзяржаўных органаў выканання даручэнняў кіраўніка дзяржавы аб навядзенні парадку з цэнаўтварэннем у будаўнічай галіне. Аб гэтым кіраўнік урада заявіў на пасяджэнні Прэзідыума Савета Міністраў, дзе разглядаўся праект канцэпцыі новай будаўнічай палітыкі Беларусі, перадае БелТА.

"Трэба заканчваць вольніцу (у цэнаўтварэнні. — Заўвага БелТА), якая сёння ёсць, — запатрабаваў Міхаіл Мясніковіч. — Прыняты ўказ, у адпаведнасці з якім мы павінны працаваць у фактычных цэнах, цэнах сённяшняга дня, а не прымяняць нейкія каэфіцыенты пераліку, даліку". Паводле слоў прэм'ер-міністра, будаўнікі "сфарміравалі нейкі свой абмежаваны свет, свае індэксы, што, безумоўна, выклікае вельмі сур'ёзнае нездавальненне як у юрыдычных, так і ў фізічных асоб, якія звяртаюцца да паслуг будаўнічага комплексу".

Асаблівую ўвагу Міхаіл Мясніковіч звярнуў на пытанні ўзмацнення адказнасці ў будаўнічай сферы.

"Сёння вялікая частка праблем будаўнічага комплексу звязана з нездавальняючай работай заказчыка. У план падрадных работ уключаюцца аб'екты зусім не гатовыя, без праектна-каштарыснай дакументацыі, з недастатковым або частковым фінансаваннем, — канстатаваў прэм'ер-міністр. — У выніку мы маем незадавальненне заказчыкам і прэтэнзіі з боку насельніцтва". На думку прэм'ер-міністра, Мінбудархітэктуры пусціла гэта пытанне на самацёк. У выніку праграмы фарміруюць або трэсты, самастойна, у пошуках больш выгаднага заказу, або выканкамы. "Гаррайвыканкамы фарміруюць праграмы і пасля адыходзяць ад адказнасці, якая ўскладаецца выключна на будаўнікоў", — сказаў ён.

"Я зусім не спрабую апраўдаць нізкую якасць работ будаўнікоў, невыкананне тэрмінаў, але ўсё гэта пачынаецца з таго, наколькі аб'ект гатовы да правядзення будаўніча-мантажных работ, — дадаў прэм'ер-міністр. — Часам атрымліваецца так, што акт дзяржаўнай камісіі аб прыёмцы аб'екта ў эксплуатацыю па часе супадае з дакументам аб зацвярджэнні праектна-каштарыснай дакументацыі на гэту будоўлю".

Асобна Міхаіл Мясніковіч спыніўся на пытаннях будаўнічага кантролю і нагляду. "У нас у краіне функцыі падраднай дзейнасці аддзелены ад пытанняў будаўнічага кантролю і нагляду. Але наколькі аб'ектыўныя гэтыя дзве структуры, якія ажыццяўляюць названыя функцыі? — паставіў пытанне кіраўнік урада. — Напрошваецца прыклад нейкага савецкага ўзору дзяржбуду, дзе былі цэны, каштарысы, будаўнічы кантроль і будаўнічы нагляд. У выніку ўсё гэта размыта, раздзелена, і, урэшце, мы цэлымі камісіямі шукаем там вінаватых".

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»