Вы тут

Чакаецца змена фармату


Міністр культуры Рэспублікі Беларусь Барыс Святлоў, знаходзячыся ў Віцебску на нарадзе аргкамітэта па падрыхтоўцы да правядзення ХХІІ міжнароднага фестывалю мастацтваў "Славянскі базар", прыадкрыў таямніцу ўрачыстай цырымоніі адкрыцця. Паводле яго слоў, у Міністэрстве культуры прапанавалі правесці першы канцэрт як фестываль фестываляў: ад іншых фестываляў выступяць удзельнікі з прывітальным словам і нумарамі...

Міністр таксама сказаў, што рашэнне аб неабходнасці змены фармату фестывалю наспявала даўно. І сёлета будзе зроблены першы крок у гэтым кірунку.

— Фестываль, па-першае, павінен больш сканцэнтравацца ў часе і ў прасторы, таму афіцыйна праводзіцца на працягу 5 дзён. Па-другое, будуць выкарыстаныя новыя мастацкія рашэнні ў афармленні сцэны — з улікам эстэтыкі тэлебачання. Што тычыцца аб'ёмаў трансляцыі па тэлебачанні, яны павялічаны не будуць. Ужо размеркаваны час тэлевізійнага паказу: на беларускім першым нацыянальным канале пасля інфармацыйнай праграмы "Панарама" ў 21.50 спачатку будзе трансліравацца "Дзённік фестывалю", а потым — паказвацца "галоўны" канцэрт, які праходзіць у гэты дзень у рамках фестывалю. Дасягнута дамоўленасць з федэральным расійскім тэлеканалам па пытаннях трансляцыі фестывальных канцэртаў.

Паводле слоў міністра культуры, у бліжэйшыя гады трэба дабіцца, каб фестываль выйшаў на самаакупнасць. А для гэтага неабходны новыя мастацкія рашэнні.

Фестываль афіцыйна будзе праводзіцца з 11 па 15 ліпеня. У ім возьмуць удзел прадстаўнікі каля 30 краін свету.

Аляксандр ПУКШАНСКІ.

Выбар рэдакцыі

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.

Грамадства

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

Акрамя фотаздымкаў храмаў і руін былых сядзіб, практычна кожны пост Паліны суправаджаецца яркімі біяграфіямі землякоў. 

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі.