Вы тут

Быў сведкам, стаў вінаватым


Супрацоўнікі ДАІ і крымінальнага вышуку УУС Гомельскага аблвыканкама змаглі высветліць асобу кіроўцы і карціну аварыі з трагічным зыходам. Ахвярай тады стаў 25-гадовы расіянін, жыхар Маскоўскай вобласці, які са сваёй дзяўчынай гасцяваў у бабулі ў Жыткавіцкім раёне.

Напярэдадні вечарам хлопец моцна выпіў і некалькі кіламетраў не дайшоў дадому. Як расказалі ў прэс-службе ўпраўлення ДАІ УУС Гомельскага аблвыканкама, у тую раніцу па аўтадарозе Жыткавічы — Давід—Гарадок рухаліся два аўтамабілі МАЗа. Яны ехалі на тэрыторыю Глушкавіцкага завода для загрузкі друзу і далейшага транспартавання яго ў Жыткавічы. Кіроўца першага грузавіка своечасова заўважыў чалавека, які ляжаў на дарозе, і аб'ехаў яго. Другі кіроўца — працягваў рух па сваёй паласе і праехаў па чалавеку. Мужчына доўга не прызнаваў віну і праходзіў у якасці сведкі. Толькі пасля неаднаразовых гутарак са сведкамі здарэння, падчас якіх высвятляліся ўсё новыя і новыя падрабязнасці, атрымалася даказаць віну гамяльчаніна. Цяпер супраць яго заведзена крымінальная справа.

Ірына АСТАШКЕВІЧ.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».