Вы тут

Манікюрныя працэдуры мацуюць здароўе


Узровень развіцця сучаснай нейліндустрыі зрабіў са звычайных манікюрш майстроў, якія могуць прапанаваць шырокі спектр паслуг і задаволіць самую патрабавальную кліентку. Акрамя таго, прыгажосць заўсёды спалучаецца са здароўем.

Ломкія пазногці — вырашаем праблему

Калі прырода падарыла вам моцныя пазногці з прыгожым пазногцевым ложам, то хопіць звычайнага манікюру. Каб зрабіць яго больш зручным, бо звычайнае колеравае пакрыццё даволі хутка аблазіць, майстры вынайшлі новы сродак — гель-лак. Ён спалучае ўсе перавагі гелю і лаку паасобку. Дазваляе запоўніць усе няроўнасці натуральнага пазногця, надае манікюру больш эфектны выгляд, бо пазногці з гель-лакам дазваляюць мець трывалы манікюр-фрэнч,

выкарыстоўваць для дэкору стразы (дарэчы, вельмі папулярныя ў гэтым сезоне), выкананне мастацкага роспісу на пазногцях. Працэдура простая, не займае шмат часу — а вашы ручкі забяспечаны ідэальным знешнім выглядам на два тыдні.

Адна з самых распаўсюджаных праблем — тонкія пазногці, якія слаяцца, могуць у любы момант зламацца. Прычыны могуць быць у нейкім захворванні, парушэнні арганізма — ад авітамінозу да парушэнняў гарманальнага фону.

Акрамя асабістых праблем арганізма, на стан пазногця ўплываюць неспрыяльныя знешнія ўмовы: сонечныя промні, мароз, перасушанае паветра памяшканняў. Порыстая пазногцевая пласціна на 80% складаецца з вады, таму вельмі баіцца сухасці, якая робіць пазногці ломкімі і безжыццёвымі. Трэба ведаць, што пакрыццё лакамі, якія змяшчаюць ацэтон, не садзейнічае добраму стану пазногцяў.

Акрамя таго, ломкасць можа быць абумоўлена спадчыннасцю. Таксама, сёння пазногцям пагражае тая разнастайная хімія, з якой мы дома мыем, чысцім, прыбіраем. Вось тут лак-гель і дапаможа. Гелі, што выкарыстоўваюць для замацавання, мяккія па ўздзеянні на пазногаць, дазваляюць паскорыць яго рост. У залежнасці ад таго, як хутка пазногці пачынаюць расці, апрацоўваць іх гелем можна раз на 3-4 тыдні. Але трэба памятаць, што гель не лечыць пазногаць, а толькі ўмацоўвае.

Бездакорныя пазногці — мара жанчыны

Вы ўжо "саспелі" да нарошчаных пазногцяў, ведаеце, што гэта прыгожа. Але якія яшчэ плюсы ў гэтай самай сучаснай працэдуры?

Па думках спецыялістаў, яна не толькі дорыць жанчыне прыгажосць, але і павышае самаацэнку, што спрыяе добраму настрою і пазітыўнаму позірку на жыццё.

Пасля нарошчвання пазногцяў, нягледзячы на распаўсюджаны міф пра шкоду, якую прыносіць гэтая працэдура, свае пазногці, наадварот, становяцца больш моцнымі. Бо яны — пад аховай, не сутыкаюцца з вадой і "хіміяй", не пакутуюць ад тэмпературных змен, захоўваюць свой натуральны колер і становішча. Больш за тое, выгада нарошчаных пазногцяў яшчэ і ў тым, што на іх звычайны лак трымаецца не дзень-два, як звычайна, а пакуль вам не надакучыць колер! Не кажу ўжо пра тое, што штучны пазногаць дазваляе гаспадыні быць уладальніцай сапраўднага мастацкага твора на сваіх пальчыках!

Кожная жанчына ведае: калі зламаўся адзін натуральны пазногаць, нажнічак патрабуюць усе астатнія — пад корань... І чакай яшчэ паўмесяца, пакуль хоць крыху адрастуць для прыстойнага манікюру. З нарошчанымі такога быць не можа: тут прастора для формы, даўжыні, дызайну — як у песні пра тое, што магчыма ўсё немагчымае. Любы жаночы капрыз.

Наталля КАРАЛЁВА

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.