Вы тут

Маршрут праз стагоддзi


У апошнi тыдзень жнiўня ад сцен Мiнскага Свята-Духавага кафедральнага сабора адправiцца па маршруце дваццатая Мiжнародная навукова-асветнiцкая экспедыцыя "Дарога да святыняў" з Дабрадатным Агнём ад Гроба Гасподняга, якая з'яўляецца састаўной часткай дзяржаўнага свята "Дзень беларускага пiсьменства". Маршрут гэтай экспедыцыi пройдзе праз многiя гарады i вёскi Мiнскай, Брэсцкай, Магiлёўскай абласцей. Усюды, куды завiтаюць паломнiкi, адбудуцца ўрачыстыя набажэнствы, мясцовыя жыхары пачуюць выступленнi вядомых святароў, навукоўцаў, пiсьменнiкаў, артыстаў. І самае галоўнае — у кожным населеным пункце жыхары атрымаюць магчымасць запалiць свае свечкi ад прынесенага з Iерусалiма цудадзейнага агню.

1376492817239_14gni-511111

На здымках:

Каплiца на Святым полi пабудавана сярод былых акопаў.

Кiраўнiк экспедыцыi пiсьменнiца Нiна Загорская гутарыць са старшынёй Сталовiцкага сельсавета Iрынай Пальчык.

— На Святым полi дагэтуль можна знайсцi асколкi снарадаў i кулi, — гаворыць удзельнiк экспедыцыi Мiхась Загорскi, дзяцiнства якога прайшло ў гэтых мясцiнах.

Экспедыцыя пабывае i там, дзе захавалiся iнжынерныя пабудовы часоў Першай сусветнай вайны.

Маршрут экспедыцыi ўзгоднены з дзяржаўнымi органамi i кiраўнiцтвам беларускай праваслаўнай царквы. Расклад сустрэч з жыхарамi, наведванне ўстаноў адукацыi i культуры, малебны ў храмах — усё пазначана ў шматдзённым сцэнарным плане экспедыцыi з дакладнасцю да хвiлiн. Такую дакладнасць забяспечвае складаная праца арганiзацыйнай групы, якая ў гэтыя днi апошнi раз удакладняе планы ва ўсiх намечаных гарадах i вёсках.

З гэтай мэтай арганiзацыйная група днямi наведала Баранавiцкi раён. На тэрыторыi гэтага раёна знаходзiцца Святое поле — так называюць тут месца, дзе ў розныя часы знаходзiлiся франты шматлiкiх войнаў, абпалiўшых беларускую зямлю. На Святым полi сярод былых акопаў трыццаць гадоў таму быў знойдзены цудатворны Загор'е-Сталавiцкi абраз Пакрова Прасвятой Багародзiцы. Гэты абраз вось ужо дваццаць гадоў нясе з сабой экспедыцыя "Дарога да Святыняў".

Як лепш арганiзаваць працу экспедыцыi — пра гэта раiлася арганiзацыйная група на сустрэчы з кiраўнiцтвам Баранавiцкага раёна. Удзел у размове прымалi таксама прадстаўнiкi мясцовых арганiзацый i прадпрыемстваў. Дапамога раённай улады i мясцовага кiравання дазволiць найбольш поўна выканаць не толькi сёлетнi сцэнарый экспедыцыi, але i намечанае на шмат гадоў наперад. Гэта датычыцца Святога поля, дзе пабудавана каплiца, пастаўлены памятныя крыжы, пасаджаны алеi.

Яўген Пясецкi.

Выбар рэдакцыі

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.

Грамадства

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

Акрамя фотаздымкаў храмаў і руін былых сядзіб, практычна кожны пост Паліны суправаджаецца яркімі біяграфіямі землякоў. 

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі.