На Віцебшчыне падвялі вынікі ўступнай кампаніі ва ўстановы вышэйшай адукацыі. Некаторыя факты здзіўляюць.
Напрыклад, не было конкурсу ў Полацкім дзяржаўным універсітэце па спецыяльнасці "Абслуговая праца і прадпрымальніцтва". І гэта ў час, калі бізнес-ініцыятывам у нашай краіне дадзена "зялёнае святло". Таксама зарэгістравана адсутнасць конкурсу — менш за 1 чалавека на месца — у Віцебскім дзяржаўным тэхналагічным універсітэце: на спецыяльнасць "Вытворчасць скуры і футра" наогул ніхто не падаў заявы, на спецыяльнасці "Абсталяванне і тэхналогіі высокаэфектыўных працэсаў апрацоўкі матэрыялаў", "Канструяванне і тэхналогія вырабаў са скуры" — 0,23 чалавека на месца, "Машыны і апараты лёгкай, тэкстыльнай прамысловасці і бытавога абслугоўвання" — 0,24, "Тэхналагічнае абсталяванне машынабудаўнічай вытворчасці" — 0,35, "Вытворчасць тэкстыльных матэрыялаў" — 0,4, "Канструяванне і тэхналогія швейных вырабаў" — 0,46. У Віцебскай дзяржаўнай акадэміі ветэрынарнай медыцыны конкурс на спецыяльнасць "Заатэхнія" — 0,4...
Найбольшы конкурс быў на наступных спецыяльнасцях: у Віцебскім дзяржаўным універсітэце — "Правазнаўства" — 10 чалавек на месца, у Полацкім дзяржаўным універсітэце па спецыяльнасці "Лагістыка" — 6,8; у Віцебскім дзяржаўным тэхналагічным універсітэце па спецыяльнасці "Фінансы і крэдыт" — 3,8; у Віцебскай дзяржаўнай акадэміі ветэрынарнай медыцыны па спецыяльнасці "Ветэрынарная фармацыя" конкурс быў 2,8 чалавека, а ў Віцебскім дзяржаўным медыцынскім універсітэце па спецыяльнасці "Фармацыя" конкурс склаў амаль 2 чалавекі на месца.
Сёлета ва ўступных выпрабаваннях на бюджэтную форму навучання ў 5 дзяржаўных ВНУ Віцебскай вобласці ўдзельнічала каля 3,5 тысячы абітурыентаў (пры плане набору 2445 чалавек). З іх 88,6% прад'явілі 3 сертыфікаты цэнтралізаванага тэсціравання. Сярэдні конкурс па ВНУ вобласці склаў 1,4 чалавека на месца. Для параўнання, летась — 1,7.
На 7427 платных месцаў (вочная і завочная формы навучання) прэтэндавалі 3598 чалавек, конкурс быў 0,48 чалавека на месца. З агульнай колькасці тых, хто падаў заявы, 188 чалавек (5,2%) з'яўляюцца медалістамі і 28 чалавек (0,8%) маюць дыпломы з адзнакай.
Аляксандр ПУКШАНСКІ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.