У карпункт рэдакцыі газеты "Звязда" па Віцебскай вобласці звярнулася чытачка, якая працуе прыбіральшчыцай. Яна паскардзілася на тое, што хоча звольніцца, але ж яе не адпускаюць. Паводле слоў чытачкі, ёй за прыбіранне ў інтэрнаце плацяць каля 1,5 мільёна рублёў. Знайшла месца з большым заробкам, але ж як звольніцца? Дадала, што кантракт, які з ёй падпісалі па месцы цяперашняй працы, на рукі не выдалі.
Па каментарый карэспандэнт звярнуўся ў пракуратуру Віцебскай вобласці. Пытанне пракаментавала Вольга Грыцкевіч, старшы пракурор аддзела па наглядзе за выкананнем заканадаўства і законнасцю прававых актаў.
— Па пытанні адмовы наймальнікам у звальненні растлумачваю наступнае.
Згодна з артыкулам 41 Працоўнага кодэкса Рэспублікі Беларусь, тэрміновы працоўны дагавор (кантракт) падлягае скасаванню датэрмінова па патрабаванні работніка ў выпадку яго хваробы ці інваліднасці, якія перашкаджаюць выкананню работы па працоўным дагаворы, парушэння наймальнікам заканадаўства аб працы, калектыўнага або працоўнага дагавора і па іншых уважлівых прычынах. Пры гэтым слушныя прычыны скасавання кантракта па патрабаванні работніка павінны перашкаджаць або значна абцяжарваць выкананне работы па кантракце, — паведаміла яна. Пракурор дадала, што, згодна з артыкулам 233 Працоўнага кодэкса Рэспублікі Беларусь, індывідуальныя працоўныя спрэчкі па пытаннях прымянення заканадаўства аб працы, калектыўнага дагавора, пагаднення разглядаюцца камісіямі па працоўных спрэчках або судом. Такім чынам, у выпадку адмовы наймальніка задаволіць патрабаванне аб датэрміновым спыненні працоўных адносін пры наяўнасці ўважлівых прычын для гэтага, грамадзянін мае права звярнуцца па гэтым пытанні ў суд.
Аляксандр ПУКШАНСКІ.
Што ў беларускім кіно было такога надзвычайнага?
Гэтая вясной многія хацелі самаізалявацца на прыродзе.
З сапраўднымі легендамі мінулай вайны Паўлам Рубісам і Віктарам Вятошкіным мне пашчасціла сустрэцца ў майскія дні восемдзесят дзявятага года.
Прэзентацыя адбылася 10 студзеня ў Бярозе, што на Брэстчыне.
