Вы тут

ІМ НАТХНЯЎСЯ СКАРЫНА


Да канца верасня ў Нацыянальнай бібліятэцы Беларусі працуе выстава "Марцін Лютэр: 530 гадоў з дня нараджэння", прысвечаная жыццю і дзейнасці нямецкага хрысціянскага багаслова і "вялікага рэфарматара". Выстава падрыхтавана сумесна з грамадскім аб'яднаннем нямецкай культуры "Масты", старшынёй якой з'яўляецца пастар лютэранскай царквы Вольга Штокман.

Экспазіцыю складаюць інфармацыйныя матэрыялы ды мастацкія творы, прысвечаныя Марціну Лютэру. І менавіта па іх цікава прасачыць шлях творчай і духоўнай эвалюцыі хрысціянскага багаслова. Ад нараджэння да заканчэння Эрфурцкага ўніверсітэта ў 1505 годзе, ад публікацыі славутых 95 тэзісаў супраць індульгенцый у 1517 годзе да перакладу тэксту Бібліі на нямецкую мову.

Беларусам гэтая выстава павінна быць цікавай асаблівым чынам. Усё-такі менавіта творчасцю і дзейнасцю Марціна Лютэра натхняўся наш выдатны суайчыннік, асветнік і першадрукар Францыск Скарына. Тады, калі ў Вітэнбергу Марцін Лютэр абвясціў 95 тэзісаў супраць індульгенцый, доктар лекарскіх навук Францыск Скарына пачаў у Празе друкаваць кнігі Старога Запавету ў перакладзе на беларускую мову. І наогул, праваслаўныя багасловы сцвярджаюць пра істотны ўплыў ідэй Лютэра на дзейнасць Францыска Скарыны.

Дарэчы, у 2017 годзе споўніцца 500 гадоў з часу выдання Лютэрам сваіх 95 тэзісаў супраць індульгенцый да брамы Замкавай царквы ў горадзе Вінтэнберг. А таму з 2008-га да 2017 г. у Германіі ладзяцца Лютэраўскія дэкады, выставы, спектаклі, дыскусіі ды іншыя мерапрыемствы, прысвечаныя юбілею Рэфармацыі і асобе аднаго з яе галоўных дзеячаў. А Беларусь, такім чынам, таксама ўключана ў ланцужок міжнародных акцый.

Вольга ЧАЙКОЎСКАЯ

Выбар рэдакцыі

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.

Спорт

Дзмітрый Ходас: Воля, характар і любоў

Дзмітрый Ходас: Воля, характар і любоў

Як не быць алімпійскім чэмпіёнам, але быць героем спорту.