Вы тут

Вучоба ў аўташколах у 2013 годзе значна даражэць не будзе


Падстаў для значнага павышэння кошту ў беларускіх аўташколах няма, паведаміў карэспандэнту БЕЛТА начальнік аддзела бяспекі транспартнай дзейнасці ўпраўлення тэхнічнай палітыкі Міністэрства транспарту і камунікацый Беларусі Павел Брэчка, каментуючы планы па абсталяванні вучэбных аўтамабіляў відэарэгістратарамі і магчымы ў сувязі з гэтым рост цэн на вучобу.

Урад Беларусі зацвердзіў план работы па ўдасканаленні сістэмы падрыхтоўкі вадзіцеляў механічных транспартных сродкаў. Падрыхтоўка змяненняў у СТБ 1567-2005 "Сродак транспартны вучэбны механічны.

Патрабаванні да дадатковага абсталявання і метады праверкі", сярод якіх можа аказацца прадпісанне па відэарэгістратарах, аднесена на снежань гэтага года. "Я не думаю, што праект з'явіцца раней", — сказаў начальнік аддзела.

"У гэтым годзе курсантаў у аўташколах павышэнне аплаты з-за патрабаванняў па аснашчэнні аўтамабіляў новымі прыборамі не закране", — запэўніў ён. "Разам з тым, калі будзе прынята рашэнне аб паўсюдным выкарыстанні такіх устройстваў, пэўнае павелічэнне кошту навучання пасля магчыма", — заўважыў спецыяліст.

Павел Брэчка падкрэсліў, што пры станоўчым вырашэнні пытання аб дадатковым аснашчэнні вучэбных аўтамабіляў трэба, каб бюджэтныя арганізацыі заклалі сродкі на закупку абсталявання. "Але нават калі з'явяцца новыя патрабаванні, хтосьці захоча павышаць цэны, хтосьці — не. Некаторыя могуць за кошт свайго прыбытку адначасова ўнесці патрэбную суму, а кошт навучання пакінуць на ранейшым узроўні, таму нельга сказаць: чакайце масавага і аднаразовага падаражэння", — дадаў ён. Цяпер цэны рэгулююцца рыначным спосабам у залежнасці ад попыту і прапанавання і могуць значна вар'іравацца.

Паводле слоў Паўла Брэчкі, прымяненне ў аўташколах відэарэгістратараў дасць магчымасць павялічыць кантроль за практычным навучаннем і забяспечыць магчымасць ацэнкі выканання курсантамі практычных заняткаў. Неабходна прыйсці да агульнай думкі зацікаўленых дзяржаўных органаў, якім чынам і за які часовы перыяд планы рэальна выканаць, сфарміраваць заканадаўчую базу. "Імкнуцца да выкарыстання новых тэхналогій трэба", — упэўнены спецыяліст. На яго думку, для вырашэння такога пытання спатрэбіцца не менш як год.

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»