Пастановай міністэрстваў транспарту і камунікацый і сельскай гаспадаркі і харчавання па ўзгадненні з Міністэрствам аховы здароўя зацверджана інструкцыя аб парадку правядзення кантролю стану кіроўцаў механічных транспартных сродкаў, самаходных машын на прадмет знаходжання ў стане алкагольнага ап'янення ці ў стане, выкліканым спажываннем наркатычных сродкаў, псіхатропных, таксічных ці іншых дурманлівых сродкаў. Дакумент ужо ўступіў у сілу.
Ён удакладнены з улікам практыкі выкарыстання папярэдняй рэдакцыі інструкцыі. Дакумент вызначае парадак правядзення кантролю юрыдычнымі асобамі і індывідуальнымі прадпрымальнікамі, што вядуць сваю дзейнасць у галіне аўтамабільнага транспарту, на ажыццяўленне якой не патрэбны спецыяльны дазвол (ліцэнзія), стану кіроўцаў на прадмет "прыняцця за каўнер" ці знаходжання "пад кайфам".
Як паведамілі ў прэс-службе Мінтранса, з улікам шматлікіх зваротаў юрыдычных асоб у інструкцыі ўдакладнена, што прыборны кантроль ап'янення праводзіцца работнікам, прызначаным кіраўніком юрыдычнай асобы ці індывідуальным прадпрымальнікам, у незалежнасці ад яго кваліфікацыі з выкарыстаннем прыбораў, што адпавядаюць патрабаванням тэхнічных нарматыўных прававых актаў, і экспрэс-тэстаў (тэст-палосак, экспрэс-пласцін).
Патрабаваннямі інструкцыі таксама ўстаноўлена, што ў дачыненні да работніка, упаўнаважанага на правядзенне прыборнага кантролю ап'янення, адпаведны прыборны кантроль ап'янення праводзіцца іншым работнікам, прызначаным кіраўніком юрыдычнай асобы ці індывідуальным прадпрымальнікам, або на падставе грамадзянска-прававога дагавора, заключанага з арганізацыяй аховы здароўя. Гэта можа быць і іншая арганізацыя, індывідуальны прадпрымальнік, якія маюць спецыяльны дазвол (ліцэнзію) на ажыццяўленне адпаведнага віду медыцынскай дзейнасці.
Сяргей РАСОЛЬКА
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
