Вы тут

"Другі хлеб" паедзе ў Казахстан...


А таксама ў Расію, якая традыцыйна з'яўляецца галоўным пакупніком, у Сербію і Кыргызстан. На экспарт беларускай бульбы ўжо заключаюцца дамовы. Пра гэта паведаміў журналістам начальнік галоўнага ўпраўлення раслінаводства Міністэрства сельскай гаспадаркі і харчавання Уладзімір Гракун.

Пра аб'ёмы экспарту пакуль гаварыць рана, бо значная частка ўраджаю яшчэ не сабрана. Бульбу, між іншым, вырошчваюць у нашай краіне на тэрыторыі ў 52 тысячы гектараў. Сховішчы для гародніны, якія ёсць у Беларусі, здольныя змясціць 845 тысяч тон гэтай культуры.

— У гэтым сезоне ўжо нарыхтавана 89,3 тысячы тон гародніны, — таксама адзначыў Уладзімір Гракун. — Асноўная маса — агуркі і памідоры, што выраслі пераважна ў закрытым грунце. У хуткім часе пачнецца збор ураджаю цыбулі, якой плануецца атрымаць 60 тысяч тон.

Сёлета ў першым паўгоддзі арганізацыямі гандлю прададзена больш за 109 тысяч тон гародніны. Прадукцыя айчыннай вытворчасці, што была рэалізавана за вышэйзгаданы перыяд, складае 79,4% ад агульнай колькасці. Летась на душу насельніцтва гародніны і бахчавых культур "прыпала" 145 кілаграмаў. Да 15 лістапада ў Беларусі плануюць завяршыць закладку запасаў гародніны і садавіны на зіму. Так, бульбы на міжсезонны перыяд будзе нарыхтавана 66,5 тысячы тон, капусты — 35,4 тысячы тон, морквы — 17,5 тысячы тон, чырвоных буракоў — 13,1 тысячы тон, 4 тысячы тон цыбулі. Што датычыцца яблыкаў, то іх плануюць нарыхтаваць 19,8 тысячы тон. Да 15 верасня будуць вызначаны гранічныя закупачныя цэны, а гранічныя адпускныя цэны на прадукцыю раслінаводства стануць вядомымі пасля 15 лістапада.

Ганна ГАРУСТОВІЧ

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»