Вы тут

ХРОНІКА АПОШНІХ ПАДЗЕЙ


У Латвіі анансавалі стварэнне цыганскіх пасёлкаў

Цыганскія пасёлкі могуць з'явіцца ў Латвіі ўжо ў 2016 годзе. Пра гэта ў эфіры "Латвійскага Радыё-4" заявіў вярхоўны камісар міжнароднага саюза цыганоў Нормунд Рудзевіч. Ён перакананы, што гэтая ідэя дапаможа захаваць цыганскую супольнасць, мову і культуру.

Жыхары такіх паселішчаў, па словах Рудзевіча, маглі б займацца прадпрымальніцкай дзейнасцю — напрыклад, здабычай торфу і сапрапелю або глыбокай замарозкай прадуктаў харчавання. Пры гэтым яны павінны будуць прытрымлівацца цыганскіх законаў і падпарадкоўвацца радзе старэйшын. Рэалізаваць праект плануецца на грошы еўрапейскіх фондаў. Паводле інфармацыі Рудзевіча, усяго на тэрыторыі Латвіі можа быць створана тры-чатыры цыганскія пасёлкі. З 2007 па 2012 гады Еўрасаюз выдзеліў на праграмы па памяншэнні сацыяльнай адчужанасці цыганоў у Латвіі каля аднаго мільёна латаў (1,4 мільёна еўра).

Туфлі на абцасе моцна шкодзяць нагам

Вядома, што абутак на высокім абцасе негатыўна ўплывае на здароўе жаночых ног. Па словах хірурга-артапеда з Каралеўскага нацыянальнага артапедычнага шпіталя ў Стэнмары Эндзі Голдберга, у такім абутку ўся вага цела пераносіцца на пальцы ног. Гэта пагражае развіццём артрыту, утварэннем гузоў на пальцах і адхіленнем, вядомым як кіпцюрыстыя пальцы, піша Nеws Trасk Іndіа. Голдберг выкарыстаў спецыяльны сканар, каб зразумець рэальную ступень пашкоджанняў, выкліканых нашэннем абутку на абцасе. Аказалася, пашкоджанні значна складаней і цяжэй, чым меркавалася раней. Такім чынам, пры наяўнасці высокага абцаса пальцы здушваюцца ў туфлях.

Ступень пашкоджанняў напрамую залежыць ад таго, наколькі вузкі насок на абутку. Голдберг падкрэслівае: абутак на абцасе можна насіць на працягу 1-2 гадзін. Але калі жанчына носіць яго на працягу васьмігадзіннага працоўнага дня (і гэта працягваецца шмат гадоў), то яе адназначна чакаюць праблемы.

Ад ААН запатрабавалі праверыць інфармацыю аб хімічнай атацы ў Сірыі

Генеральны сакратар Лігі арабскіх дзяржаў Набіль аль-Арабі запатрабаваў ад інспектараў ААН па хімічнай зброі, якія працуюць у Сірыі, неадкладна праверыць паведамленні аб масіраванай хімічнай атацы ў прыгарадах Дамаска, паведамляе Аgеnсе Frаnсе-Рrеssе. На думку аль-Арабі, інспектары павінны тэрмінова адправіцца ў раён Усходняя Гута, дзе, па паведамленнях відавочцаў, не менш за 650 чалавек былі забіты нейкім нервова-паралітычным газам.

Лідары сірыйскай апазіцыі, якая дзейнічае за межамі краіны, запатрабавалі тэрміновага склікання Савета бяспекі ААН для абмеркавання сітуацыі, якая склалася. На аматарскіх відэакадрах, прадэманстраваных у прамым эфіры тэлеканала "Аль-Джазіра", былі паказаны сотні мёртвых людзей, сярод якіх было мноства дзяцей і жанчын, без бачных пашкоджанняў на целе. На запісах з мясцовых бальніц паказалі людзей з пенай ля рота, якія б'юцца ў канвульсіях і задыхаюцца. Сярод гэтых пацыентаў таксама шмат дзяцей. Сірыйскі ўрад абверг звесткі аб выкарыстанні хімічнай зброі ў прыгарадах Дамаска. Дзяржаўнае тэлебачанне назвала распаўсюджванне гэтай інфармацыі правакацыяй.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.