Вы тут

Прадукты ад часу псуюцца


У Віцебску ў параўнанні з мінулым годам, назіраецца рост парушэнняў у гандлі. У прыватнасці, удзельная вага парушэнняў санітарных нормаў і правілаў павялічылася з 54% да 70%, невыканання патрабаванняў да якасці тавараў, якія рэалізуюцца — з 65 да 74%, непрадастаўлення пакупнікам неабходнай і дакладнай інфармацыі аб таварах — з 21 да 27%, паведамілі ў Камітэце дзяржаўнага кантролю Віцебскай вобласці.

Ва ўсіх правераных 5 гандлёвых аб'ектах горада былі ўстаноўлены парушэнні. Напрыклад, у краме, якая належыць віцебскай фірме, прадавалі 3 найменні харчовых тавараў са скончаным тэрмінам прыдатнасці. Да работы былі дапушчаны прадаўцы без праходжання перыядычнага медыцынскага агляду. У гандлёвай зале крамы выкладка харчовай прадукцыі ажыццяўлялася непасрэдна на дно халадзільнай вітрыны без спецыяльных гандлёвых латкоў, падносаў. У продажы адсутнічалі мяса і мясныя паўфабрыкаты, птушка, маргарынавая і кісламалочная прадукцыя...

А ў іншай краме ў аналагічнай вітрыне захоўваліся сырая харчовая прадукцыя побач з гатовай да ўжывання. Пакупнікам прапаноўвалі 6 найменняў харчовых тавараў са скончаным тэрмінам прыдатнасці. Больш за тое — на 5 найменняў кандытарскіх вырабаў да ведама пакупнікоў не была даведзена інфармацыя пра дату вырабу і тэрмін прыдатнасці.

Аляксандр ПУКШАНСКІ

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Палітыка

Аляксандр Лукашэнка: Беларусы былі і будуць адным народам

Аляксандр Лукашэнка: Беларусы былі і будуць адным народам

Прэзідэнцкі прыём праходзіць у Нацыянальным выставачным цэнтры «БелЭкспа».