Вы тут

Паглядзі сабе ў вочы


Кожная жанчына як мінімум тры—чатыры разы на дзень глядзіцца ў люстэрка. Мужчыны з гэтай нагоды не супраць з'яхіднічаць, а дарэмна: менавіта дзякуючы гэтаму прадстаўніцы слабага полу значна часцей заўважаюць змены ў бялках вока, ацёчнасць павекаў, серозныя коркі. Афтальмолагі таксама адзначаюць, што сярод іх пацыентаў мужчын значна больш. А ўсё таму, што яны своечасова не заўважаюць нават відавочных змяненняў на радужцы і склеры.

Як трэба?

У норме вочы маюць здаровы бляск, чыстую белізну бялкоў з ледзь выражанай сасудзістай сетачкай. Мяшкоў і цёмных кругоў пад вачамі не павінна быць, гэтаксама, як і прыпухласці верхніх павекаў. Вейкі выпадаць павінны, але гэта адбываецца вельмі рэдка і ў норме ніяк не ўплывае на іх гушчыню. Слёзная вадкасць неабходна для падтрымання пастаяннай вільготнасці на паверхні вочнага яблыка і раўнамерна размяркоўваецца пры мірганні павекаў. У яе склад, акрамя соляў, уваходзіць эфектыўнае прыроднае антыбактэрыяльнае рэчыва лізацым, якое засцерагае вочы ад інфекцыі.

Што павінна насцярожыць?

Паглядзіце сабе ў вочы. Будзьце ўважлівыя кожны раз, калі наносіце макіяж, даглядаеце скуру твару, проста папраўляеце прычоску. Звяртайце ўвагу на любыя змяненні бялкоў вачэй, павекаў і скуры пад вачамі.

Павышанае слёзацячэнне можа з'явіцца з-за пападання ў вока іншародных прадметаў (такім чынам арганізм спрабуе пазбавіцца ад іх) або па прычыне банальнай прастуды.

Успомніце, калі вы ў апошні раз высыпаліся? Недахоп сну прыводзіць да свербу ў вобласці павекаў. Варта добра выспацца — і гэты сімптом знікае.

З-за бяссонніцы вочы таксама могуць пачырванець. Зрэшты, такі ж сімптом з'яўляецца, калі доўга знаходзіцца ў пракураным ці дрэнна асветленым памяшканні. Гэта адбываецца па прычыне доўгага напружання вочных мышцаў і недастатковага ўвільгатнення вочнага яблыка. Часцей маргайце — гэта дазволіць "абмыць" слёзнай вадкасцю вочы. Часам гэты сімптом з'яўляецца з-за інфекцыйнай хваробы павекаў — блефарыту або пры алергіі на касметыку.

Калі вы адчуваеце значнае ўвільгатненне вока, пачырваненне, затуманьванне зроку, насцярожцеся — гэта могуць быць сімптомы глаўкомы, якая развіваецца.

Ячмень на воку можа з'явіцца ў выпадку занесенай інфекцыі, пры аслабленым імунітэце, на фоне авітамінозу, захворванняў страўнікава-кішачнага тракта.

Частае непадкантрольнае вам мірганне можа быць прыкметай захворвання нервовай сістэмы.

Унутраная паверхня павекаў у норме павінна быць ружовага колеру. Калі колер стаў ярка-чырвоным, то гэта гаворыць пра парушэнне кровазвароту або хваробу стрававальнай сістэмы. Калі колер пабляднеў, то гэта можа сведчыць пра нізкі гемаглабін і нават пра жалезадэфіцытную анемію.

Пажаўцелыя склеры — паказчык дрэннай работы печані, жоўцевага пузыра, а ў некаторых выпадках інфекцыйнага гепатыту.

Ацёкі або мяшкі пад вачамі ўзнікаюць па мностве прычын: стрэс, стомленасць, выпітая позна ўвечары гарбата або кава, няправільная поза падчас сну, парушэнні ў рабоце сардэчна-сасудзістай або мочапалавой сістэмы.

Сінякі пад вачамі могуць быць наступствам нервовага перанапружання: скура замаруджвае працэс вывядзення таксінаў і не насычаецца неабходнай колькасцю вільгаці і кіслароду. Калі вы курыце, то майце на ўвазе: нікацін звужае сасуды, скура адчувае недахоп кіслароду, у сувязі з гэтым і ўтвараецца яе сіняваты колер, асабліва ярка выражаны пад вачамі.

Падрыхтавала Вольга ЦЫБУЛЬСКАЯ

Выбар рэдакцыі

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.

Спорт

Дзмітрый Ходас: Воля, характар і любоў

Дзмітрый Ходас: Воля, характар і любоў

Як не быць алімпійскім чэмпіёнам, але быць героем спорту.