Вы тут

Рэванш па-бабруйску


"Белшына" атрымлівае перамогу над мінскім "Дынама", Вікторыя Паўловіч становіцца пераможцай прэстыжнага турніру па настольным тэнісе, а мужчынская зборная па баскетболе саступае эстонцам у кваліфікацыі Еўрабаскета-2015. "Звязда" падсумоўвае спартыўныя вынікі мінулага тыдня.

1. Вызначыліся амаль усе ўдзельнікі чвэрцьфінальных матчаў футбольнага Кубка Беларусі. Не абышлося без сенсацый. Бабруйская "Белшына" ўзяла рэванш у мінскага "Дынама" за нядаўняе паражэнне ў чэмпіянаце краіны. Падапечныя Аляксандра Сяднёва пераканаўча абыгралі мінчан — 2:0. Пасля заканчэння матча настаўнік бела-сініх Роберт Мааскант

рэзка рэзюмаваў: "Сёння мы гулялі лепш, чым у нядаўнім матчы чэмпіянату, стварылі больш галявых момантаў. Але, калі не забіваць і прапускаць такія мячы, — не перамагчы!". Сапраўды, у дынамаўцаў былі неблагія галявыя сітуацыі, але кожны раз абаронцы бабруйчан удала ратавалі свае вароты. Выключэнне складае хіба толькі крыўдны ўдар Фігерэда, калі мяч трапіў у штангу. Але, як вядома, ледзь-ледзь не лічыцца.

БАТЭ прадказальна разграміў "Смаргонь" з першай лігі — 7:0. Дублямі адзначыліся Дзмітрый Бага і Арцём Канцавы. Па адным забітым мячы на рахунку Дзмітрыя Мазалеўскага, Аляксандра Валадзько і Сяргея Крыўца. Дарэчы, апошні вылучыўся яшчэ і чатырма галявымі перадачамі!

1377592266153_27-11

Адзначым і астатнія вынікі: "Шахцёр" у серыі пенальці адолеў "Тарпеда-БелАЗ" — 2:2 (3:1), "Днепр" і "Гомель" з аднолькавым лікам 1:0 перайгралі "Слуцк" і "Славію" адпаведна, а "Нёман" і "Гарадзея" аказаліся мацнейшымі за "Дынама" (Брэст) і мікашэвіцкі "Граніт" — 3:1.

Апошні ўдзельнік чвэрцьфінальных сустрэч вызначыцца толькі 7 верасня. На сталічным стадыёне "Тарпеда" "Мінск", які працягвае выступленне ў Лізе Еўропы, прыме "Полацк".

2. Мужчынская зборная Беларусі па баскетболе не змагла атрымаць паўторную перамогу над камандай Эстоніі. У другім паўфінальным матчы кваліфікацыі Еўрабаскета-2015 падапечныя Руслана Байдакова буйна саступілі эстонцам — 61:79. Не дапамаглі камандзе і 22 ачкі Аляксандра Кудраўцава.

Нагадаем, у першай сустрэчы з прыбалтамі перамогу святкавалі беларусы. Але розніца ў 6 мячоў не дазволіла нашым хлопцам працягнуць барацьбу за адзіную пуцёўку на кантынентальнае першынство. У выніку за пападанне на чэмпіянат напрамую пазмагаюцца дружыны Эстоніі і Балгарыі. Няўдачнікам адборачнага турніру прыйдзецца прайсці праз яшчэ адно кваліфікацыйнае сіта. Але ўжо ў наступным годзе.

3. Гандбольны клуб БГК ім. Мяшкова заняў трэцяе месца на турніры "Кубак Белаграпрамбанка-2013". У матчы за "серабро" брэсцкі клуб саступіў чэмпіёну Расіі "Чэхаўскім Мядзведзям" — 27:29. Пераможцам спаборніцтваў стаў македонскі "Вардар", які ўпэўнена перайграў запарожскі ЗТР — 26:22.

4. Нечаканая і таму асабліва прыемная навіна прыйшла з чэшскага горада Аламоўц. Беларуска Вікторыя Паўловіч стала пераможцай адкрытага першынства Чэхіі па настольным тэнісе, якое ўваходзіць у прэстыжную серыю "Сусветны тур". У фінальным паядынку Вікторыя абыграла натуралізаваную галандку з Кітая Лі Джыао — 4:2.

Дарына ЗАПОЛЬСКАЯ

Выбар рэдакцыі

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.

Грамадства

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

Акрамя фотаздымкаў храмаў і руін былых сядзіб, практычна кожны пост Паліны суправаджаецца яркімі біяграфіямі землякоў. 

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі.