Вы тут

Экалогія жыцця і працы


У Бабруйску прайшоў фінал ХІ Рэспубліканскага экалагічнага форуму

Форум стартаваў яшчэ ў красавіку, і за мінулы час было праведзена шмат экалагічных акцыяй. Ён прысвечаны Году экалагічнай культуры і аховы навакольнага асяроддзя, які аб'яўлены сёлета ў СНД.

У фінале, які прайшоў у Бабруйску 23-26 жніўня, прынялі ўдзел больш за паўтысячы дэлегатаў з усёй краіны. Удзельнікі форуму і кіраўніцтва прайшлі шэсцем па вуліцах Бабруйска. Урачыстае адкрыццё адбылося на плошчы Леніна. Міністр прыродных рэсурсаў і аховы навакольнага асяроддзя Беларусі Уладзімір Цалко заявіў, што ў нашай краіне ахова навакольнага асяроддзя і рацыянальнае выкарыстанне прыродных рэсурсаў з'яўляецца адным з кірункаў дзяржаўнай палітыкі.

Выстава ў Бабруйску прадставіла "Сучасныя тэхналогіі ў вобласці аховы і выкарыстання прыродных рэсурсаў". Там можна было пабачыць вясельны картэж для аматараў прыроды, даведацца пра альтэрнатыву пластыкавым пакетам. Спецыялісты расказвалі пры тэхналогію ачыстку вады і вытворчасць чыстых прадуктаў у сельскай гаспадарцы.

У Бабруйску эколагі зрабілі свой уклад у агульную справу і пасадзілі дубовую алею — як сімвал ашчаднага стаўлення беларусаў да прыроды, а таксама зарыбілі ўчастак ракі Бярэзіны сцерляддзю, выпусціўшы ў ваду сотні малькоў гэтай каштоўнай рыбы.

Госці экафоруму наведалі таксама прадпрыемствы, дзе ёсць паспяховыя прыклады рацыянальнага выкарыстання прыродных рэсурсаў і абароны навакольнага асяроддзя. Дэлегаты пазнаёміліся з работай Асіповіцкай ГЭС і біягазавай устаноўкі ў СВК "Рассвет" Кіраўскага раёна, з тэхналогіямі выкарыстання сыроваткі на Бялыніцкім масласырзаводзе і бітага шкла ў вытворчасці на шклозаводзе "Ялізава", сістэмай ачысткі сцёкавых вод на "Сервалюкс Агра". У Бабруйску паказалі пляцоўку для раздзельнага збірання другасных рэсурсаў і ўзорны экалагічны дворык.

Завяршыўся экалагічны форум канцэртам і святочным феерверкам.

Ул. інф.

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»