Злавілі ўдачу!

Рыбакі з Мінска ўзялі Кубак Беларусі па лоўлі паплавочнай вудай

Мінская каманда Tubеrtіnі заваявала Кубак Беларусі на спаборніцтвах па спартыўнай лоўлі рыбы летняй паплавочнай вудай, якія прайшлі 24—25 жніўня на Пятровіцкім вадасховішчы ў Смалявіцкім раёне. Пра гэта карэспандэнту БЕЛТА паведаміў галоўны суддзя спаборніцтваў Аляксандр Загорскі.

Па выніках спаборніцтваў вага ўлову каманды-пераможцы склала 26,160 кг. Другое і трэцяе месца занялі адпаведна каманды "Выток" (Мінск) і Mаtсhfісhіng (Мінск, Магілёў, Брэст).

Удзел у спаборніцтвах прынялі 11 камандаў па 4 чалавекі ў кожнай. Пры гэтым 5 камандаў былі пераможцамі чэмпіянату Беларусі па лоўлі рыбы паплавочнай вудай, астатніх 6 вылучылі абласныя структуры Беларускага таварыства паляўнічых і рыбаловаў.

Спаборніцтвы праходзілі ў два этапы, кожны з якіх завяршыўся ўзважваннем вылаўленай рыбы. Перамогу атрымлівала каманда, якая налавіла больш за ўсіх рыбы ў сваёй зоне. Пераможцы чэмпіянату Беларусі па лоўлі рыбы паплавочнай вудай і спаборніцтваў на Кубак Беларусі па спартыўнай лоўлі рыбы летняй паплавочнай вудай атрымліваюць магчымасць стаць удзельнікамі чэмпіянату свету па паплавочнай лоўлі рыбы.

Арганізатарам рэспубліканскіх рыбалоўных спаборніцтваў выступае Рэспубліканскае дзяржаўнае грамадскае аб'яднанне "Беларускае таварыства паляўнічых і рыбаловаў". Адкрытыя спаборніцтвы на Кубак Беларусі па спартыўнай лоўлі рыбы летняй паплавочнай вудай праводзяцца з 2010 года.