16 студзеня, субота

Вы тут

У апошні дзень лета


Урачыстыя мерапрыемствы, прысвечаныя пачатку новага навучальнага года і сустрэчы з настаўнікамі, пройдуць у большасці беларускіх школ 31 жніўня.

У новым навучальным годзе ў краіне ўводзяцца ў строй тры новыя школы — сярэдняя школа на 216 месцаў у вёсцы Доцішкі ў Воранаўскім раёне, сярэдняя школа ў мікрараёне "Лошыца-4" у Мінску і вучэбна-педагагічны комплекс "Сярэдняя школа—дзіцячы сад" на 950 месцаў у Салігорску. Плануецца, што за школьныя парты сёлета сядуць 99 тысяч першакласнікаў. У сталічных школах будзе адкрыта 811 першых класаў — на 20 класаў больш, чым летась.

Заняткі ва ўсіх навучальных установах пачнуцца 2 верасня. Па традыцыі першы ўрок ў новым навучальным годзе пройдзе ў межах рэспубліканскай патрыятычнай акцыі "Я — грамадзянін Беларусі!" . Тэма ўрока — "Як ты сэрцу майму міла, дарагая Беларусь!" . Гасцямі навучальных устаноў у гэтыя дні стануць прадстаўнікі ўрада, кіраўнікі міністэрстваў, парламентарыі, вядомыя спартсмены, ветэраны, грамадскія дзеячы і пісьменнікі. У Беларускім дзяржаўным музеі гісторыі Вялікай Айчыннай вайны 2 верасня адбудзецца мерапрыемства, прысвечанае 70-годдзю вызвалення Беларусі ад нямецка-фашысцкіх захопнікаў у рамках рэспубліканскай акцыі навучэнскай моладзі "Дзякуй салдатам Перамогі за тое, што не ведаем вайны". У сталічнай гімназіі №41 пройдзе патрыятычны ўрок "Традыцыі мужнасці і гераізму захаваем і памножым".

Таксама 2 верасня адбудзецца ўрачыстае адкрыццё рэспубліканскай акцыі "Тыдзень спорту і здароўя" і рэспубліканскага праекта "Кожнай школе — футбольны мяч". Для якаснага забеспячэння фізкультурна-спартыўных мерапрыемстваў Беларуская федэрацыя футбола плануе перадаць установам агульнай сярэдняй адукацыі 22 тысячы футбольных мячоў.

Выбар рэдакцыі

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?

Культура

Слухаць сняжынкі, сачыць за ростам травы. Янка Сіпакоў не любіў тусовак  і лічыў адзіным багаццем кнігі

Слухаць сняжынкі, сачыць за ростам травы. Янка Сіпакоў не любіў тусовак і лічыў адзіным багаццем кнігі

Вось ужо дзесяць гадоў, як пісьменнік Янка Сіпакоў застаўся ў сваіх кнігах — і тых, што падарыў, а найперш, у тых, што напісаў... А споўнілася б яму сёння 85 гадоў.