Вы тут

ПРАВільнЫя дзеці


Вось ужо пяты год дзіцячы прававы сайт www.mіr.рrаvо.bу з намі. Сеткавы рэсурс па-ранейшаму дапамагае беларусам (і не толькі нам). Самы час растлумачыць, якую ролю ён выконвае.

Каму сайт патрэбны?

Прыблізны ўзрост аўдыторыі — ад 6 да 16 гадоў. Але сайт разлічаны не толькі на дзяцей і падлеткаў. Ён будзе цікавы бацькам і настаўнікам.

Хто стварыў?

Сайт арганізаваў Нацыянальны цэнтр прававой інфармацыі РБ. Ініцыятар — Адміністрацыя Прэзідэнта

.

Што сайт прапаноўвае?

Інфармацыя — гэта найперш. Карысная, адаптаваная, ілюстраваная. Своеасаблівы інфармацыйны дыялог. Так, у частцы «Бібліятэка» створаны адпаведны раздзел, які гаворыць сам за сябе, — «Карысная інфармацыя». Базавыя звесткі з юрыдычнай сферы — цяпер у звышдаступным фармаце.

Дыялагічнасць пацвярджае і флэш-карта свету (з нядаўняга часу — інтэрактыўная). Да карты прымацавана рэдкая інфармацыя пра замежныя краіны і іх прававыя сістэмы.
Найважнейшая перавага сайта — раздзел «Віртуальная прыёмная», які таксама апраўдвае дыялагічнасць сеткавага рэсурсу. На вашы пытанні адкажуць выдатныя спецыялісты, усе — члены Нацыянальнай камісіі па правах дзіцяці.

Хто паспеў ацаніць сайт?

Штомесяц сайт наведваюць больш за 10 тысяч чалавек са 100 краін свету.

Сеткавы рэсурс паспяхова прайшоў праз экспертызу, якую ажыццяўляў Цэнтр бяспечнага інтэрнэту ў Расіі. Апошні знаходзіцца не толькі пры Грамадскай палаце Расійскай Федэрацыі, але і пры кампаніі «Скай Лінк». Вось чаму гэты дзіцячы прававы сайт можна знайсці ў каталогу бяспечных інфармацыйных рэсурсаў «Дзіцячы інтэрнэт».

У конкурсе «Лепшы сайт у сферы нефармальнай адукацыі за 2010 год» партал упэўнена замацаваўся на трэцім месцы. Рэсурс узнагародзілі дыпломам інтэрнэт-прэміі «Tіbо 2011».

Якую карысць ад яго маем?

Сайт дапамагае дзецям і падлеткам: адказвае на «дарослыя» пытанні, дае слушныя парады, падказвае шляхі выйсця са складаных жыццёвых сітуацый, а таксама ў займальнай форме расказвае пра беларускае заканадаўства і правы грамадзян нашай краіны.

Якое дзіця не любіць конкурсы? Вось чаму сайт актыўна арганізоўвае шматлікія «спаборніцтвы» для дзяцей. 8 конкурсаў — гэта толькі пачатак. Стваральнікі сеткавага рэсурсу ў пошуку прынцыпова новых ідэй, займальных для дзяцей і падлеткаў. Таму смела можна паўдзельнічаць і, вядома ж, атрымаць каштоўныя веды.

Маргарыта СІДАР.

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.