Вы тут

Cветлы храм ведаў


Навучэнцам, студэнтам, аспірантам і іх бацькам, педагагічным работнікам Рэспублікі Беларусь. Дарагія сябры!

Сардэчна віншую вас з Днём ведаў.

У нашай краіне гэта свята прыходзіць літаральна ў кожны дом, нікога не пакідаючы абыякавым. У юных сэрцах пануе хваляванне перад пачаткам новага вучнёўскага ці студэнцкага жыцця або ў чаканні сустрэчы з аднакашнікамі і любімымі педагогамі. А мы, дарослыя, з удзячнасцю ўзгадваем той час, калі ўпершыню пераступілі парог школы — светлага храма ведаў, дзе нас навучылі любіць Радзіму, паважаць бацьку і маці, даражыць сябрамі, імкнуцца да пазнання свету і самога сябе.

Беларусы заўсёды высока цанілі мудрасць і асвету і дзякуючы гэтаму стварылі адну з самых багатых еўрапейскіх культур, падараваўшы чалавецтву нямала выдатных навукоўцаў, мысліцеляў і дзеячаў мастацтва. Сёння, праводзячы карэнную мадэрнізацыю эканомікі на аснове найноўшых дасягненняў навукі, наша краіна робіць стаўку на розум, талент і высокае прафесійнае майстэрства грамадзян. Таму навучанне і выхаванне падрастаючага пакалення з'яўляюцца найважнейшым кірункам нашай сацыяльнай палітыкі.

Мы змаглі захаваць усё лепшае, што дасталася нам ад Савецкага Саюза: агульнадаступную і бясплатную сярэднюю адукацыю, дзяржаўную сістэму падрыхтоўкі кадраў рабочых і служачых і праслаўленыя традыцыі айчыннай вышэйшай школы. Дзяржава ўсімі сіламі памнажае гэты патэнцыял, стварае максімальна спрыяльныя ўмовы для развіцця нацыянальнай сістэмы адукацыі з улікам патрэбнасцяў часу.

Краіна цудоўна падрыхтавала ўсе ўстановы адукацыі да новага навучальнага года. Наперадзе ў вас — няпросты, але цікавы час, напоўнены адкрыццямі і радасцю працы.
Асаблівыя словы на дарогу адрасую тым, хто прыйдзе па веды ў класы і аўдыторыі. Першакласнікам жадаю ўдалага школьнага старту, будучым выпускнікам — вернага выбару жыццёвага шляху, а ўсёй шматлікай сям'і навучэнцаў, студэнтаў і аспірантаў — быць дапытлівымі і мэтанакіраванымі, сумленнымі і добрымі, смела імкнуцца да большага і ствараць на карысць Радзімы.

Звяртаючыся да вас, паважаныя настаўнікі і выкладчыкі, хачу падзякаваць за працу і вернасць прызванню. Няхай у вашых душах не згасаюць агонь педагагічнага таленту і прага спасціжэння новага, а лепшай узнагародай будзе ўдзячнасць вучняў.

Вам, дарагія бацькі, жадаю выхаваць сваіх дзяцей годнымі людзьмі, патрыётамі нашай Беларусі, каб вы маглі радавацца поспехам сыноў і дачок і заўсёды былі сагрэты іх любоўю.

Здароўя, высокіх дасягненняў у вучобе і працы, шчасця і цудоўнага настрою ўсім вам, дарагія сябры.

Са святам!

Прэзідэнт Рэспублікі Беларусь
Аляксандр ЛУКАШЭНКА.

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.