Вы тут

Факты, падзеі, навіны


«Акругляць» аплату за праезд

З 1 верасня будзе весціся акругленне агульнай сумы платы за перавозкі пасажыраў і багажу, паведамілі ў прэс-службе Беларускай чыгункі. У адпаведнасці з пісьмом Міністэрства эканомікі ад 20 жніўня, з 1 верасня будзе весціся акругленне агульнай сумы платы да 100 рублёў. Закране гэта перавозкі пасажыраў і багажу чыгуначным транспартам на гарадскіх лініяй, рэгіянальных, міжрэгіянальных і міжнародных лініях. Значэнне ў суме да 50 рублёў будзе адкідвацца, ад 50 і больш — акругляцца да 100 рублёў.

Сяргей РАСОЛЬКА.

Бонус на дэпазіты

Найбуйнейшы банк краіны з 30 жніўня ўстанаўлівае заахвочвальны працэнтны даход па доўгатэрміновых банкаўскіх укладах у беларускіх рублях, паведамілі рэдакцыі ў прэсслужбе Беларусбанка.
Дадатковы даход налічваецца на ўклад «Ашчадны» ў памеры 10% гадавых, на «Ваш выбар» — у памеры 9%, на «Прэміяльны-накапляльны «Дзіцячы» — у памеры 7,5%, на «Класік плюс» — у памеры 5,7% гадавых, на «Назапашвальны» — у памеры 5% гадавых. Налічэнне бонусу ажыццяўляецца сёлета за перыяд з 30 жніўня або дня адкрыцця ўкладу (дэпазіту) пасля названай даты да 26 верасня (уключна).

У верасні даражэе электрычнасць

Такім чынам, з 1 верасня тарыфы на электрычную энергію для насельніцтва павялічваюцца на 11,8 %, гаворыцца ў пастанове Саўміна № 756, што была змешчана на Нацыянальным прававым партале Беларусі.
Цяпер у верасні аднаставачны тарыф на электраэнергію ў жылых дамах (кватэрах), абсталяваных электрычнымі плітамі, складзе 479,1 рубля за 1 кВт у гадзіну (раней было 428,5). Дыферэнцыраваны тарыф у такіх жылых памяшканнях у перыяд мінімальных нагрузак (з 22.00 да 17.00) складзе 335,4 рубля за 1 кВт/г (раней — 300), а ў перыяд максімальных нагрузак (з 17.00 да 22.00) — 958,2 рубля за 1 кВт/г (раней — 857).
Электрычная энергія для патрэб ацяплення і гарачага водазабеспячэння з далучанай магутнасцю абсталявання больш за 5 кВт у перыяд мінімальных нагрузак (з 23.00 да 6.00) падаражэе з 504,3 да 563,8 рубля, у астатні час сутак — з 1 512,9 да 1 691,4 рубля. У астатніх выпадках аднаставачны тарыф складзе 563,8 рубля за 1 кВт/г (раней — 504,3), дыферэнцыраваны тарыф у перыяд мінімальных нагрузак будзе 394,7 (раней — 353), у перыяд максімальных нагрузак тарыф на электраэнергію павялічваецца да 1 127,6 рубля за 1 кВт/г.

Сяргей КУРКАЧ.

За ўраджай — куфаль пеннага напою

Летась у рамках фестывалю-кірмашу працаўнікоў вёскі «Дажынкі», што праходзіў у Горках, упершыню быў праведзены піўны фестываль, які атрымаў прызнанне гасцей і ўдзельнікаў свята. Сёлета «Дажынкі» прымае Жлобін, дзе таксама запланавана правядзенне фестывалю «Піва».
Арганізатарам тэхнічнай часткі мерапрыемства выступае саюз «Гільдыя півавараў». Асноўным прынцыпам фестывалю было і застаецца фарміраванне ў насельніцтва культуры піцця піва — напою з даўняй гісторыяй. У рамках «Дажынак» на гандлёвай плошчы больш за 6 тысяч квадратных метраў размесцяцца 14 павільёнаў, аформленых у адпаведнасці з тэматыкай. На гэтым свяце любы ахвотны зможа пакаштаваць свежае і смачнае беларускае піва ад усіх вытворцаў.

Спынілі незаконны промысел «электрабраканьераў»

Ноччу паблізу ракі Шчара работнікі Слонімскай міжрайінспекцыі аховы жывёльнага і расліннага свету разам з прадстаўнікамі мясцовай інспекцыі прыродных рэсурсаў і аховы навакольнага асяроддзя затрымалі траіх грамадзян. Пры дапамозе электралавільнай устаноўкі браканьеры незаконна здабылі каля 100 асобін розных відаў рыб агульнай вагой каля 30 кілаграмаў.
Як удакладнілі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь, парушальнікамі аказаліся жыхары Слоніма. Адзін з іх працуе электраманцёрам, і менавіта ён падазраецца ў вырабе электралавільнай устаноўкі. У правапарушэнні браў удзел яго сын — стаяў на «варце», пакуль бацька з хаўруснікам здабываў рыбу.
Звесткі пра тое, што гэтыя грамадзяне займаюцца незаконным промыслам, паступалі ў інспекцыю і раней. За браканьерамі было ўстаноўлена назіранне, што дазволіла затрымаць іх з доказамі ўчынку. У парушальнікаў канфіскаваны ўлоў, забароненая прылада лоўлі, акумулятар, гумавая лодка і аўтамабіль. Шкода, нанесеная навакольнаму асяроддзю браканьерамі (пры пяцікратным памнажэнні), ацэнена ў 389 базавых велічынь, або 38,9 мільёна рублёў. Грамадзянам пагражае пазбаўленне волі тэрмінам да шасці гадоў.

Сяргей РАСОЛЬКА.

Два пакеты з каноплямі

25-гадовага пасажыра прыгараднага дызель-цягніка затрымалі супрацоўнікі міліцыі. Мужчына ў Рэчыцкім раёне нарэзаў каля 3 кг канопляў, якія вёз у Гомель. Раслінная сыравіна знаходзілася ў звычайных вялікіх поліэтыленавых пакетах і нават не была прыкрыта. У душным вагоне лісце марыхуаны выдала сябе і ўладальніка моцным пахам, і вылічыць парушальніка праваахоўнікам было зусім не складана. Грамадзянін затрыманы і дастаўлены ў апорны пункт міліцыі. Дарэчы, 3 кілаграмы такой травы — гэта буйны памер наркатычнага рэчыва. Хлопцу зараз пагражае абмежаванне або пазбаўленне волі на тэрмін ад 2 да 5 гадоў.

Ірына АСТАШКЕВІЧ.

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.