Вы тут

БУДАВАЛІ СПАРТКОМПЛЕКС — АТРЫМАЎСЯ ЎЛАСНЫ КАТЭДЖ


Кіраўнікі буйных будаўнічых прадпрыемстваў Мінска будавалі сабе катэджы за бюджэтныя сродкі, накіраваныя на будаўніцтва культурна-забаўляльнага спартыўнага комплексу ў мінскім раёне Чыжоўка, паведаміла рэдакцыі старшы оперупаўнаважаны па асабліва важных справах ГУБЭЗ МУС Беларусі Вераніка Пасмеццева.

Аператыўнікі службы па барацьбе з эканамічнымі злачынствамі ГУУС Мінгарвыканкама выкрылі злачынную групу, якая складаецца з кіраўнікоў і работнікаў прадпрыемства «Мінскпрамбуд»

і КУП «УКБ Мінгарвыканкама», якія на працягу года здзяйснялі крадзеж будаўнічых матэрыялаў з аб'екта «Культурна-забаўляльны спартыўны комплекс у жылым раёне Чыжоўка г. Мінска».

Следствам было ўстаноўлена, што з лістапада 2012 года па сёлетні ліпень «група падазраваных службовых асоб па папярэдняй змове, дзейнічаючы з карыслівай зацікаўленасці і з выкарыстаннем сваіх службовых паўнамоцтваў, завалодала будаўнічымі матэрыяламі прадпрыемства ААТ «Мінскпрамбуд» на агульную суму амаль 30 млн рублёў». Былі выкрадзены арматура, цэгла, пясок, цэмент, мяккія дахавыя матэрыялы, тынкоўка, піламатэрыялы і іншыя будматэрыялы з гарадскога аб'екта.

Высветлілася, што будаўнічыя матэрыялы сістэматычна выкрадаліся і вывозіліся ў вёску Загор'е Смалявіцкага раёна, пасёлак Азярцо і вёску Тарасава Мінскага раёна, дзе выкарыстоўваліся пры будаўніцтве прыватных жылых дамоў (катэджаў) падазраваных. Следству і аператыўнікам службы па барацьбе з эканамічнымі злачынствамі яшчэ трэба высветліць кола асоб, якія аказвалі садзейнічанне ў злоўжываннях і крадзяжы будаўнічых матэрыялаў з аднаго з галоўных спартыўных аб'ектаў краіны, а таксама канчатковую суму шкоды, нанесенай бюджэту дзяржавы.

Сяргей КУРКАЧ

Выбар рэдакцыі

Культура

Бландзінкі за шпільцішам. Карэспандэнт «Звязды» зазірнуў углыб аргана

Бландзінкі за шпільцішам. Карэспандэнт «Звязды» зазірнуў углыб аргана

Прыгажуні-гераіні паралельна — выкладчыцы Віцебскага дзяржаўнага музычнага каледжа імя Салярцінскага.

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.