Вікторыя Азаранка працягвае выступленне на Адкрытым першынстве ЗША па тэнісе. У чвэрцьфінальным матчы беларуска ўпэўнена «разабралася» са славацкай тэнісісткай Даніэлай Хантухавай — 6:2, 6:3 і выйшла ў паўфінал.
Наступнай саперніцай другой ракеткі свету будзе італьянка Флавія Пенета, якую можна лічыць галоўным «чорцікам з табакеркі» гэтага турніру. Перад пачаткам спаборніцтваў колішняя 10-я ракетка свету займала толькі 83-і радок рэйтынгу. Але гэта можна патлумачыць: італьянская тэнісістка прапусціла канцоўку леташняга сезона з-за аперацыі на запясці і толькі ў пачатку вясны ўзнавіла выступленні. Парадаксальна, але ў такіх умовах Флавія Пенета паказала лепшы вынік у кар'еры на турнірах Вялікага шлема.
Дарэчы, у кампаніі паўфіналістак наша суайчынніца — самая маладая. Вікторыя маладзейшая за сваіх апанентак на 7 гадоў. Амерыканка Серэна Уільямс, кітаянка На Лі, як і Флавія Пенета
, даўно размянялі трэці дзясятак. Ці з'яўляецца ўзрост «тузом у рукаве» для беларускі, адназначна адказаць складана. Па фізічнай падрыхтоўцы ўсе тры саперніцы Вікторыі могуць даць фору любой маладой тэнісістцы. А вось ці не адчуваюць дадатковага прэсінгу з-за гэтага факта вялікаўзроставыя паўфіналісткі — пытанне адкрытае. Нездарма псіхалогія ў жаночым тэнісе часта выходзіць на першы план.
У любым выпадку развязкі турнірных калізій доўга чакаць не прыйдзецца. Паўфінальныя матчы адбудуцца ўжо сёння, а фінальную гульню пабачым заўтра.
Дарына ЗАПОЛЬСКАЯ.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
