Вы тут

ДЗЕ І ЯК МОЖНА АДПАЧЫЦЬ У БЕЛАРУСІ Ў ВЕРАСНІ?


Навум ГАЛЬПЯРОВІЧ, паэт:

1378415821581_1

— Верасень — адзін з найпрыгажэйшых у Беларусі месяцаў, таму адпачынак гэтым часам вельмі прыемны. Маючы нават некалькі вольных дзён, не кажучы пра цэлы адпачынак, я асабіста наведваю і раю ўсім пабываць на нашых Браславах, азёрах Глыбоччыны, у Міры, Нясвіжы, Расонах... Для мяне асаблівым месцам з'яўляецца родны Полацк. Першая пазалота дрэў, празрыстыя воды Дзвіны, цвіце верас... Вядома, ёсць аматары вандровак па свеце, але на маю думку, адпачываць трэба толькі на радзіме. І не толькі ў верасні, але і вясною, і летам... Мне здаецца недаравальным, што многія з нас шукаюць дзівосы за светам, забываючыся на тое, што беларускія краявіды і наша прырода — нічым не горшыя...

Леанід ЗАХЛЕЎНЫ, народны артыст Беларусі, кампазітар, кіраўнік ансамбля народнай музыкі «Бяседа»:

1378415822659_2

— Для мяне такога пытання ўвогуле не існуе — па-першае, для «Бяседы» ў верасні пачынаецца падрыхтоўка да новага канцэртнага сезона. Гэтаму заўсёды папярэднічае напружаная праца над рэпертуарам, які мы пастаянна папаўняем. Па-другое — наконт адпачынку я патрыёт: адпачываю выключна на Беларусі. Для мяне найлепшыя мясціны не толькі ў верасні, але і круглы год — гэта наваколлі Астрашыцкага гарадка, ды і нашы гастрольныя маршруты па Беларусі даюць магчымасць любавацца нашымі цудоўнымі краявідамі. Вось толькі сёлета не надта грыбны год пакуль што складваецца, гэта шкада...

Алена ТРАШЧЫНСКАЯ, дырэктар радыёстанцыі «Радыус-FM»

1378415824594_3

— Паездзіўшы па свеце, скажу з усёй адказнасцю: давайце адпачываць на Беларусі! Калі ў верасні — дык на Міншчыне, у нашых выдатных санаторыях. Калі ласка — і грыбы, і рэчка з рыбалкай (занятак для мужа і дзіцяці), краявіды, вакол — свае добрыя людзі. І якое шчасце, калі водпуск супадае з бабіным летам, з «павуцінкай у верасе» — гэта ж найлепшы час... А яшчэ нядаўна адкрылі для сябе сапраўдны цуд — аграэкасядзібы. Дык там — уся гэтая прыгажосць, як той казаў, у адным месцы ды яшчэ з дранікамі, з сырадоем і лазняй...

Падрыхтаваў Пятро РАМАНЧУК.

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»